06.12.2021 | 16:11

Ыччат сэбиэттэрин бастакы слёттара ыытылынна

Ыччат сэбиэттэрин бастакы слёттара ыытылынна
Ааптар: Киин Куорат
Бөлөххө киир

Киин куоракка  «Ыччат кэмэ - 2021» уокуруктааҕы уонна куорат кытыытынааҕы ыччат сэбиэттэрин бастакы слёттара ыытылынна. Ол туһунан Уокуруктааҕы дьаһалта пресс-сулууспата иһитиннэрдэ.
Ыччат слётун бырагыраамата киэҥ далааһыннаах буолла. «Ленские зори» сынньалаҥ баазатыгар кыттааччылар социальнай бырайыактааһын технологиятыгар, сүрүн сыаллары уонна соруктары ситиһэргэ, үбү-харчыны сөпкө туттааһыҥҥа үөрэннилэр. Тренинг бырайыагы оҥорон дьүүллүүр сүбэҕэ таһаарарга көмөлөстө.  
Бырайыактар араас хайысхалаахтар, ол иһигэр уопсастыбаннай эбийиэктэри тутуу,  саҥардан оҥоруу уонна өрөмүөннээһин, куорат уокуругун территориятын тупсарыы көҕүлээһиннэрэ, ону сэргэ аһымал, социальнай, волонтердар аахсыйаларын, үөрэҕирии, култуура, спорт уонна да атын уопсастыбаннай тэрээһиннэри ыытыы. 
Кыттааччылар үлэлэрин олохтоох дьаһалта уопсастыбаннай сибээстэргэ уонна ыччат политикатыгар Управлениетын салайааччыта Ирины Атласова бэрэссэдээтэллээх дьүүллүүр сүбэ сыаналаата.  Сүбэ састаабыгар Дьокуускай куорат кылаабынай архитектора Семён Сергеев, «Центр управления общественными пространствами» муниципальнай автономнай тэрилтэ дириэктэрэ, куорат уокуругун Уопсастыбаннай палаататын бэрэссэдээтэлин солбуйааччы Николай Мартынов, ыччат политикатыгар салаа начаалынньыга Андрей Михайлов киирдилэр.
Дьүүллүүр сүбэ улахан интириэһин Сайсары уокуругун спортивнай балаһааккаларын тупсарыыга бырайыага тарта. Итини сэргэ, Тулагы Киллэм нэһилиэгин хамаандата сөтүөлүүр сири куорат олохтоохторун сынньанар сирдэрэ оҥорор сыаллаах тупсарыытыгар анаммыт бырайыага биһирэбили ылла. 
Хамаандалар икки бөлөҕүнэн арахсан күрэхтэстилэр. «Уокуруктар» бөлөххө I миэстэни Сайсары уокуруга ылла, II-с миэстэҕэ – Губинскай уокурук, III-с миэстэҕэ – Автодорожнай уокурук. «Куорат кытыылара» бөлөххө I миэстэҕэ Пригороднай сэл. хамаандата таҕыста, II-с миэстэҕэ –Тулагы Киллэм нэһилиэгэ, III-кэ – Кангалаас мкр.
Бастыҥ оонньооччуларынан Тулагы Киллэм нэһилиэгин хамаандатыттан Елена Егорова уонна Сайсары уокуругуттан Акулина Кубарова ааттаннылар. Олохтоох дьаһалта уопсастыбаннай сибээстэргэ уонна ыччат политикатыгар Управлениетын анал бирииһэ Пригороднай сэл. ыччатын сэбиэтин бэрэссэдээтэлэ Христина Татарченкоҕа тигистэ. 
Кыттааччылар биир санааларынан, слёт үрдүк таһымнаахтык тэриллэн ыытыллыбыт, ылыллыбыт уопут үлэҕэ туһалаах буолуоҕа. 
Ыҥырыылаах спикердар:
Ольга Вешникова, «Единый ресурсный центр поддержки социально ориентированных некоммерческих организаций и развития гражданских инициатив Республики Саха (Якутия)» кэмиэрсийэтэ суох тэрилтэ (Пуонда) генеральнай дириэктэрэ;
Маргарита Якушева, СӨ үбү-харчыны сөпкө туттааһын компетенцияларыгар Регионнааҕы киинин салайаччыта;
Иван Степанов, «Индустрия будущего» автономнай кэмиэрсийэтэ суох тэрилтэ дириэктэрэ.

Сонуннар

Ордук ааҕаллар

Дьикти түбэлтэ
Сынньалаңңа | 01.06.2024 | 17:00
Дьикти түбэлтэ
Уйбаан Уйбаанабыс сураҕа суох сүппүтүн туһунан сурах нэһилиэги биир гына тилийдэ. Сарсыарда олус хойуу сиик түспүт этэ. Ойоҕо халдьаайыттан көрөн турдаҕына, эр киһи алааһы бүтүннүү тарҕаммыт күдэрик тумаҥҥа ынахтарын көрдүү киирбитэ уонна ол кэнниттэн ууга тааһы бырахпыттыы мэлийбитэ... Дьахтар бу киһи туман түспүтүн туһанан арыгыһыт доҕотторун диэки сүүрбүт дии санаан,...
Умнуллубут аспытын сөргүтүөххэ
Тускар туһан | 01.06.2024 | 18:00
Умнуллубут аспытын сөргүтүөххэ
Оскуолалар, уһуйааннар ыһыахтара үгэннээн тураллар. Сотору улахан ыһыахтар кэлиэхтэрэ. Ону кытта сахалыы сандалыбытыгар тугу астыырбытын былаанныыбыт. Үгэс буолбут бүлүүдэлэртэн хал буолбут буоллаххытына, өбүгэлэрбит умнулла быһыытыйбыт астарын сөргүтэргэ ыҥырабыт.   Искэхтээх эбэтэр хааннаах алаадьыэ Алаадьы тиэстэтигэр ханнык баҕарар бөдөҥ балык искэҕин кутан буһардахха, ураты уонна тотоойу бүлүүдэ буоларын билэбит. Оттон сорох хотугу...
Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...