Ыччат дьаһалтатыгар үлэлиэн баҕалаахтартан сайаапка хомуллан эрэр

Ыччат дьаһалтата Дьокуускай куорат Олохтоох дьаһалтатын судаарыстыбаннай ыччат, дьиэ кэргэн бэлиитикэтигэр уонна уопсастыбаннай сибээстэргэ сүбэлэһэр уопсастыбаннай уорганынан буолар. 

Ыччат дьаһалтатын чилиэнинэн буолуохтарын сөп:

- Дьокуускай куорат уокуругун территориятыгар олорор 18-35 саастаах Арассыыйа Федерациятын гражданнара.

- Ыччат дьаһалтатын чилиэнинэн куорат баһылыгын үлэлиир болдьоҕор, биэс сылтан ордуга суох талыллаллар.

- Ыччат дьаһалтатын састаабыгар «Молодежь-энергия развития» (МЭР) куораттааҕы дьыалабыай оонньуу кыайыылаахтара, уокуруктааҕы ыччат сэбиэттэрин, итиэннэ 35 саастарыгар диэри уопсастыбаннай тэрилтэлэр бэрэстэбиитэллэрэ киирэллэр.

Ыччат дьаһалтатын үлэтин сыала:

- ыччат, дьиэ кэргэн бэлиитикэтигэр уонна уопсастыбаннай сибээстэргэ ыытыллар үлэҕэ кыттар быраабынан хааччыйыы;

- үөрэнэр, үлэлиир ыччат быраабынан уонна көҥүлүнэн туһаныытыгар көмөлөһүү;

- тус кыахтарын туһаныыга усулуобуйалары тэрийии;

- социальнай, култуурунай, духуобунай, физическэй сайдыыга, гражданскай-патриотическай иитиигэ үлэлэһии.

Сайаапкалары балаҕан ыйын  27 күнүгэр диэри хомуйаллар, umisp.ykt@mail.ru электроннай почтанан  «Ыччат дьаһалтата» диэн бэлиэтээн ыытыллар.

Сиһилии 40-88-46 эбэтэр 8984-116-89-99 төпүөннэринэн билсиэххэ сөп (Анна Местникова).

Сайаапка пуормата:

1. Араспаанньата, аата, аҕатын аата

2. Төрөөбүт күнэ-дьыла

3. Төлөпүөнэ /электроннай почтата

4. Үлэлиир /үөрэнэр миэстэтэ

5. Уопсастыбаннай үлэтэ