17.12.2023 | 12:00

ЫБММ сүбэлиир: гирлянданы сөпкө талыҥ!

ЫБММ сүбэлиир: гирлянданы сөпкө талыҥ!
Ааптар: Айыына КСЕНОФОНТОВА
Бөлөххө киир

СӨ Ыксаллаах быһыыга-майгыга министиэристибэтэ гирлянда атыылаһарга туһалаах сүбэлэри биэрдэ, баһаартан сэрэхтээх буолуу быраабылаларын тутуһаргытыгар ыҥырда.

 

1. Бастаан гирлянданы ханна ыйыыргытын быһаарыҥ. Биһиги тыйыс килиимэппитигэр тымныыны тулуйар матырыйаалтан оҥоһуллубут буолара ордук. Чэпчэки сыаналаах пластик бэрт кэбирэх, тымныыга хайыта барар. Боруобаттара аһаҕас сылдьар буоллаҕына, гирлянда кутталы үөскэтэр.

2. Таһырдьа ыйанар гирляндалар күн-дьыл уларыйыытыгар бэриниэ суохтаахтар – этэргэ дылы, тымныыга, силлиэҕэ-буурҕаҕа, хаар түһэ турдаҕына кытта үчүгэйдик үлэлиэхтээхтэр. Онон бөҕө-таҕа оҥоһуулаах, үлэлиир болдьохторо уһун буолуохтаахтар.

3. Дьиэҕэ туруоруллар саҥа дьыллааҕы харыйаҕа ууттан харысхала суох интерьернэй гирлянда диэн барсар. Оттон маннык гирлянданы таһырдьа ыйаныллыбат: хаар, сөҥүү боруобаты алдьатан, кылгас тиксиһиигэ (короткое замыкание) тиэрдиэхтэрин сөп.

4. Собуокка оҥоһуллубут, анал сертификаттаах, инструкцията нууччалыы тылынан суруллубут  гирлянданы атыылаһар ордук.

5. Гирлянданы ылыах иннинэ эргитэ сылдьан сыныйан көрүҥ. Боруобата чиҥ, имигэс, таһа алдьамматах, бүтүн буолуохтаах. Кыратык да ууннары тартахха, быһыта барыа суохтаах.

6. Гирлянданы холбуоххут иннинэ үлэлиирин-суоҕун хайаан да бэрэбиэркэлээҥ. Онуоха бастаан көннөрөн, уокка холбоон, араас эрэсиимҥэ туруоран көрүҥ. Лаампалара чаҕылыйа түһүөхтээхтэр, кнопката барыта баттаныахтаах.

7. Биир кэмҥэ үстэн элбэх гирлянданы холбоомоҥ: итийэн, кылгас тиксиһиигэ тиэрдиэн сөп.

8. Дьиэҕититтэн тахсан бараргытыгар эбэтэр утуйуоххут иннинэ гирляндаларгытын араараргытын умнумаҥ.

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!