Ыам ыйын толору дьиэҕэ олоруохпут

Дьокуускайга, Аллараа Бэстээххэ, Тиксиигэ, Нерюнгригэ, Мииринэйгэ, Ленскэйгэ уонна Покровскайга дьиэҕэ олоруу бэйэ изоляциятын эрэсиимэ ыам ыйын 31 күнүгэр диэри уһаата. Алдаҥҥа буола турар карантин дьиэҕэ олоруу режимигэр уларыйда.

Ателье, химчистка уонна да атын дьону кытта утарытынан алтыспат өҥөнү оҥорор тэрилтэлэр үлэлэрин сөргүтүөхтэрэ. Ону тэҥэ салгыҥҥа спордунан дьарыктанар көҥүллэнэр. Бу туһунан Ил Дархан анал этиитигэр иһитиннэрдэ.

Саха сирин оскуолаларыгар үөрэх дьыла ыам ыйа бүтүөр диэри түмүктэниэҕэ. Санатан эттэххэ, оскуола оҕолоро муус устар 6 күнүттэн дьиэлэриттэн үөрэнэллэр.

Ону таһынан, Ил Дархан балаһыанньа туубустаҕына, хааччах эрдэ көтүрүллүөн сөбүн бэлиэтээтэ.

Ааспыт сууккаҕа Саха сиригэр 33 киһи коронавирустаата. 32 киһи Дьокуускайга ыалдьыбыт, алтыспыт дьонун быһаараллар. Биир киһи Ленскэйгэ ыалдьыбыт.

Саха сиригэр ыам ыйын 10 күнүнээҕи туругунан, 510 киһи ыарыйда, 81 киһи үтүөрдэ, 4 киһи өллө.