Ыалдьыбыт дьон дьиэтэ дезинфекцияланыаҕа

Докуускай куорат коронавируһу утары үлэлиир суһал штаба ыарыһахтар уонна кинилэр алтыспыт дьоннорун дьиэлэрин дезинфекциялыыр сыаллаах аадырыстарын ылар кыахтаныаҕа.

Баһылык Сардана Авксентьева дьаһалынан, Дьокуускай  резервэлээх саппаас пуондатыттан дезинфекцияны ыытарга үп тыырылынна. Роспотребнадзор бары ирдэбиллэрин толорорго, ыарыһах уонна ыарыһаҕы кытта алтыспыт киһи бырааба кэһиллибэккэ эрэ, олорор дьиэтэ, подьеһа обработкаланыахтаах.

Күннэтэ ЕДДС төлөпүөннэригэр элбэх кыбартыыралаах дьиэлэри дезинфекциялааһыҥҥа олохтоохтортон үҥсүүлэр киирэллэр. Куорат дьаһалтатыттан 22 салайар хампаанньаҕа  (75 дьиэҕэ) административнай миэрэлэр ылыллар докумуоннара хомулуннулар.

Санатан эттэххэ, Дьокуускайга 129 киһи коронавирустаата, бүтэһик сууккаҕа 29 киһи эбилиннэ.