«Якутск вдохновляет» күрэххэ кыттыҥ!

Дьокуускай куорат Олохтоох дьаһалтата уонна «Саха» НКИХ киин куорат төрүттэммитэ 392 сылыгар аналлаах «Якутск вдохновляет» хаартыска күрэҕэр кыттаргытыгар ыҥыраллар. 
Манна 14-тэн үөһэ саастаах Саха сирин олохтоохторо 5 номинацияҕа биирдии үлэнэн кыттыахтарын сөп:
- «Якутск исторический» – 19-20-с үйэтээҕи куорат эйгэтин уонна олохтоохторун көрдөрөр история эбэтэр архыып хаартыскалара;
- «Городская жизнь» – маассабай тэрээһиннэртэн, куорат дьонун-сэргэтин күннээҕи олоҕуттан, жанровай хаартыскалар;
- «Люди города» – Дьокуускай куорат олохтоохторун биирдиилээн эбэтэр бөлөҕүнэн түспүт хаартыскалара (мэтириэттэр);
- «Городские пейзажи» – куорат кэрэ-бэлиэ сирдэрэ (архитектура пааматынньыктара), дьон-сэргэ билэр, сөбүлээн сылдьар миэстэлэрэ;
- «Творческая фотосерия» – «Мин Дьокуускайым» диэн уопсай тиэмэҕэ 5-10 хаартыска, хас биирдии үлэҕэ ураты уонна айымньылаах сыһыан көстүөхтээх.
Биһирэммит үлэлэр киин куорат Олохтоох дьаһалтатын  yakutskcity.ru саайтыгар, «Якутия 24» ханаал yk24.ru порталыгар уонна да атын көрдөрөр-иһитиннэрэр эйгэ ситимнэригэр тахсыахтара. 
Бастыҥ үлэлээх ааптардар дипломнарынан уонна сыаналаах бириистэринэн наҕараадаланыахтара, кыттааччыларга туоһу сурук туттарыллыаҕа.  
Сайаапкаларгытын уонна үлэлэргитин балаҕан ыйын 5 күнүгэр диэри konkurs.nvk@mail.ru электроннай почтаҕа ыытарга тиэтэйиҥ! 
Күрэх туһунан сиһилии yakutskcity.ru саайтка киирэн билсиҥ. 

Хаартыска: Айыына Ксенофонтова