«Якутоптторг» сүөһү аһылыгын хааччыйар

Ил Дархан Айсен Николаев сүөһү, сылгы ахсаанын аҕыйаппат туһугар  үлэлиир соругу туруорбута. «Якутоптторг» тэрилтэ сүөһүгэ концентрированнай аһылыгы тиэйиигэ сүрүн операторынан буолбута.

«Өрөспүүбүлүкэ Ил Дарханын сорудаҕын толорон, Тыа хаһаайыстыбатын министиэристибэтэ концентрированнай сүөһү аһылыгын, гранулированнай оту атыылаһыыны, тиэйиини тэрийэр. Сүөһү  аһылыгын батарыыга сыананы аччатар туһуттан «Якутоптторг» тэрилтэҕэ, эбиэһи уонна гранулированнай оту улуустарынан тиэрдэригэр сорудахтаммыта. Бүлүү, Горнай, Кэбээйи уонна Өлүөхүмэ улуустарыгар 15 күн иһинэн 711 туонна сүөһү аһылыга атыылаһыллан, улуус кииннэригэр диэри тиэрдилиннэ. Ол курдук, массыынанан Горнайга – 95 т, Кэбээйигэ – 304 т, Бүлүүгэ – 172 т тиэйдибит. Итиэннэ Өлүөхүмэҕэ буксирынан 140 т ыыттыбыт», - диэн иһитиннэрэллэр «Якутоптторг» тэрилтэҕэ.

Аҕыс оройуоҥҥа анаан 5167 туонна сүөһү аһылыга субсидияламмыт – Дьааҥы, Бүлүү, Горнай, Кэбээйи, Өлүөхүмэ, Өлөөн, Чурапчы, Эбээн Бытантай.

Сэтинньи ыйга “Якутоптторг” АУо Чурапчы улууһун хаһаайыстыбаларыгар субсидияламмыт сүөһү аһылыгын тиэрдэри былаанныыр. Ыраах улуустарга массыына суола турдаҕына илдьиэхтээхтэр.