«Якутия» авиахампаанньа: ханнык эмп сөмүлүөккэ көҥүллэнэрий

Айанныы барарга хайаан да аптечкалаах буолар табыллар. Ханнык эмптэри илдьэ барыахха сөбүй, салгын суудунатыгар ханнык көҥүллэнэрий? Ол туҺунан «Якутия» авиахампаанньа пресс-сулууспата маннык сүбэлиир. 
Суһал көмө эмптэрин ылар ордук, ол эрэн быраабыланы тутуһан туран. Үгэс буолбут испииһэккэ пандемиянан сибээстээн медицинскэй мааска уонна антисептик эбиллибиттэр (антисептик испиирэ 50% тахса буолуо суохтаах).
Илиигэ тутуллар суумкаҕа көҥүллэнэр:
Медицинскэй термометр – 1 киһиэхэ 1 устуука.
Ртутнай тонометр –1 киһиэхэ 1 устуука.
Ртуттаах медицинскэй термометрдар көҥүллэммэттэр. 
Көтөн истэххитинэ суһаллык туттубат тэриллэргитин багааска биэрэргит ордук. Итиннэ 100 мл ордук ыйааһыннаах убаҕас эмптэр – сироптар, суурадаһыннар, маастар, кремнэр киирэллэр. Бэйэҕитин кытта тыын суолталаах эрэ эмптэр баар буолуохтаахтар. Кинилэри илдьэргитин авиахампаанньа көҥүллүүр, ол эрэн быраас суруйбут рецеба эбэтэр ыалдьаргыт туһунан выписка баар буолуохтаах. 
Туох көҥүллэнэрин туһунан сиһилии сайтка www.yakutia.aero билсиҥ