«Якутдорстрой» күннээҕи түбүктэрэ салҕанар

«Якутдорстрой» АУо Дьокуускай куорат уулуссаларыгар өрөмүөн үлэтин тиһигин быспакка ыытар. Ол курдук суол үлэһиттэрэ уонна анал тиэхиньикэ күн ахсын уулуссалары, тротуардары ыраастыыллар, суол кытыытын, кутуу суоллары грейдердииллэр,  онтон да атын былааннаммыт үлэни оҥороллор.  
Бүгүн, ыам ыйын 25 күнүгэр, «Скандия» прицептээх 6 «КамАЗ» массыына уулусса бордюрдаах өттүн уонна быылын ыраастыы сылдьаллар. 3 «КамАЗ» массыына уонна 6 суол оробуочайа Бүлүүлүүр,  Новообъездной, Сэргэлээхтиир  суолларга, Сынньалаҥ шоссетыгар уонна Тургенев, Горькай, Дзержинскэй, Хабаров, Чернышевскай, Киров уулуссаларыгар,  Ю. Прокопьев аатынан сквергэ урналары, куулламмыт бөҕү-саҕы газоннартан, тротуардартан хомуйаллар.  1 «КамАЗ» массыына уонна 2 оробуочай оптуобус тохтобулларыгар үлэлииллэр. 

Новообъездной шоссе бордюрдаах өттүгэр, Кеша Алексеев уулуссатыттан Медицинскэй кииҥҥэ диэри уонна Курнатовскай уулуссатыгар 4 «КамАЗ» массыына, 2 «Бобкет»  анал тиэхиньикэ уонна 6 суол оробуочайа үлэлииллэр. 
Итини сэргэ «Якутдорстрой» тэрилтэ Якутскай уул. 2 №-дээх дьиэтин таһыгар суол дьаамаларыгар хайыр таас үлтүркэйин уонна өрүс кумаҕын куттара сылдьар. Сэргэлээхтиир суолга, Петровскай, Ломоносов уулуссаларыгар 1 «Бобкет», 2 «КамАЗ» массыына, 1 манипулятор, 1 салгын үрээччи, 1 суол хатайдыыр тэрил, 1 компрессор уонна 5 оробуочай суол дьааматыгар аспаал-бетон булкааһын кутан тэҥнииллэр. 
Суол сулууспаларын күүһүнэн Бекетов, Каландаришвили уул., 39,  Лонгинов уул., 9, Байкалов уул., 6, Чехов уул., 28-30, Тимирязев уул., 48, Ойуунускай, Октябрьскай уулуссаларыгар, Якутскай уул., 43-45, Очиченко уулуссатыгар ЯХК таһыгар 2 оборторор массыынанан уонна 3 мотопомпанан уу хачайданна.