24.03.2021 | 09:49

«Якутдорстрой»: халтарааны утары үлэ тохтоло суох ыытыллар

«Якутдорстрой»: халтарааны утары үлэ тохтоло суох ыытыллар
Ааптар: Киин Куорат

Халлааммыт лаппа сылыйан, суолга сэрэхтээх буолла. Халтараана бэрт. Бу күннэргэ куорат бары уокуруктарыгар, нэһилиэктэригэр суоллары кумаҕынан ыстарыы үлэтэ күүһүрдэ. Ол туһунан “Якутдорстрой” тэрилтэ   эксплуатацияҕа салаатын начаалынньыга Иннокентий Егорович Филипповы кытта кэпсэттибит.

- Иннокентий Егорович, куорат уулуссаларыгар халтарааны утары өрүс кумаҕа кутуллар, маныаха быйылгы сылга төһө үп көрүлүннэ?

- Хас сыл ахсын биһиги тэрилтэбит Куорат хаһаайыстыбатын үлэлэтэр сулууспаны кытта дуогабар түһэрсэр. Быйылгы сылга 16 мөл. 103 652 тыһ. харчы көрүлүннэ.

- Күҥҥэ хас туонна кумаҕы ыстараҕытый?

- Кыһын устата 54 696 туонна кумаҕы ыстыбыт. Күннээҕинэн таһаарар буоллахпытына, биир күҥҥэ – 375 туонна.

- Сууккаҕа хас үлэһит, тиэхиньикэ сылдьарый?

- Бу сезоҥҥа үлэ алтынньы 12 күнүттэн саҕаламмыта. Куорат уулуссаларын кумаҕынан ыстарыы сарсыарда биэс чаастан киэһэ аҕыс чааска диэри ыытыллар.

Аҕыйаабыта аҕыс тиэхиньикэ тахсар, ону таһынан биир фронтальнай погрузчик.  Кумах ыһар анал тиэхиньикэбит КО-806 ПМ диэн буолар.

Үлэ күн-дьыл туругуттан тутулуга, тохтоло суох ыытылла турар. Билигин халлааммыт лаппа сылыйан, үлэ өссө күүскэ бара турар.

- Биир суоппар хас уулуссаны хабарый?

- Хас биирдии суоппарга 10-лыы уулусса түбэһэр, ону күн устата көрөллөр-истэллэр, ыраастыыллар, ыстараллар. Хас ый ахсын үлэ хаамыытын былаанныыбыт. Испииһэккэ уулуссаларбытын, оройуоннарынан араартыыбыт, онон үлэбит таһаарыылаах.

- Кумаҕы хантан тиэйэргитин ааҕааччыларбытыгар сырдатыахха эрэ.

- Күөх хонууттан тиэйэн, «Патриот” диэн Очиченко уулуссатыгар турар накопительбытыгар таһабыт.

- Кумах барыта кырылыйа сылдьыбыта буолуо, инчэҕэй да буолара саарбаҕа суох ини?

- Инчэҕэй кумах түбэстэҕинэ, үлэһиттэрбит ыарахаттары көрсөөччүлэр. Барытын погрузчигынан бытарыталлар, тэбистэрэллэр. Суол ыһыллыытыгар, кумах сууралхай буолуохтаах, оччоҕо эрэ кини көдьүүһэ биллэр. Аны туран, инчэҕэй кумах бункерга тоҥон хаалааччы,  ол иһин үнтү солоон баран биирдэ бытарытабыт уонна ыстарабыт.

- Атын куораттарга  суол халтараан буолбатын туһуттан  «реагент” диэн технологияны тутталлар эбит. Биһиэхэ бу тоҕо кыаллыбатый?

- Хомойуох иһин, Сахабыт сирин тыйыс усулуобуйатыгар сөп түбэспэт. Ыстахпытына хаары ириэрэр уонна ол кэннэ куурбакка тоҥон хаалар, онон биһиэхэ табыгаһа суох.

Түмүккэ Иннокентий Егорович былаантан туорааһын, хаалыы суох, үлэ барыта кэмигэр ыытылла турар диэн бэлиэтээтэ. Ону таһынан «Якутдорстрой”  тэрилтэ билигин  сааскы халаан уутугар бэлэмнэнэр.

Сонуннар

Ордук ааҕаллар

Ырыанан аата тилиннэ
Дьон | 05.05.2022 | 11:00
Ырыанан аата тилиннэ
Ааспыт үйэ 60-70 сыллара... Эдэркээн киһи бэйэтин хоһооҥҥо холонор... Тыа сирин муҥкук, сэмэй уола оччотооҕуга хантан билиэ, сэрэйиэ баарай, инники олоҕун оҥкулун...   Олох диэн дьикти. Өлбүт да кэннэ иккистээн тиллэр, олох олорор диэн баар буолар эбит. Кини орто дойду олоҕуттан арахсыбыта быданнаабытын кэннэ... ол хоһооннорун нөҥүө тилиннэ, бэйэтэ суруйан хаалларбытыныы,...
«Күөх Ньурба»: айылҕа эмтиир күүһүн туһанан
Дьон | 06.05.2022 | 15:00
«Күөх Ньурба»: айылҕа эмтиир күүһүн туһанан
Дьоҥҥо-сэргэҕэ үтүөнү оҥорор баҕа санааны олоххо киллэрэн, Ийэ айылҕабыт биэрэр сүдү күүһүн таба туһаныахха, онно эбии билиини-көрүүнү, сатабылы дьүөрэлээн, бизнес эйгэтигэр бэйэ суолун-ииһин булуохха сөп. Бүгүҥҥү дьоруойдарбыт тустарынан аҕыйах тылынан билиһиннэрдэххэ, итинник.      Дмитрий, Дайаана Саввиновтар 2013 сылтан дьиэ кэргэнинэн ыҥырыа иитиитинэн дьарыктаналлар. Бастаан ыал ийэтин дойдутугар – Сунтаарга үлэлээн саҕалаабыттар....
Бэртээхэй да идэ — бэтэринээр
Сонуннар | 04.05.2022 | 16:24
Бэртээхэй да идэ — бэтэринээр
Муус устар 30 күнүгэр Бэтэринээр күнэ буолан ааста.  Бу идэ биһиэхэ, сүөһүлээх-сылгылаах сахаларга, олус чугас. Биһиги Хатаспатыгар былыр-былыргыттан бэтэринээрдэр баар буоланнар, устуоруйаҕа киирбит аймалҕаннаах, элбэх сүтүктээх бруцеллез, сэллик курдук сыстыганнаах ыарыылар суох буолбуттара. Ама да ааспытын иһин, улахан хоромньуну таһаарбыт ыарыыны суох гынаары, саҥа атахха туран кэҥээн-тэнийэн эрэр хаһаайыстыбалары эһэн,...