19.06.2020 | 18:45

Ыһыах алаадьытын астыыбыт

Ыһыах алаадьытын астыыбыт
Ааптар: Киин Куорат
Бөлөххө киир

Февронья Алексеевна Петрова 1945 сыллаахха Сунтаар Сиэйэтигэр төрөөбүтэ. Кыайыы сылын оҕото Сэрии уонна тыыл бэтэрээннэрин, Сэрии оҕолорун, Улуу Кыайыы 75 сылынан уонна Туймаада Хочотун Үрүҥ Тунах Ыһыаҕынан эҕэрдэлиир:

- Биһиги үрдүбүтүгэр куруук ыраас, эйэлээх халлаан мэндээрдин. Бэтэрээннэргэ, сэрии оҕолоругар кытаанах доруобуйаны уонна самныбат санааны баҕарабын.

Сэрии уоттаах сылларыгар Саха сирин үгүс ийэлэрэ төрөппүт оҕолорун фроҥҥа атаарбыттара. Биһиги бары Февронья Малгина 5 уолун сэрии хонуутугар сүтэрбитин өйдүүбүт. Мин тус бэйэм 6 уолламмытым, кинилэртэн биэһэ аармыйа кэккэтигэр сулууспалаан дойдуларын иннигэр ытык иэстэрин толорбуттара.

Быйыл 75 сааспын туоллум – Кыайыы сылын оҕото буоларбынан киэн туттабын. Мин дьонум сэрии сылларыгар холкуоска үлэлээн кыайыыны уһансыбыттара. Аҕам Алексей Иванович доруобуйатын туругунан кыайан сэриигэ барбатах. Кини сонордьут булчут этэ. Биирдэ 20 буут ыйааһыннаах тайаҕы суулларан, бар дьонун аччык өлүүттэн быыһаабытын туһунан биир дойдулаахтара билигин да ахталлар.

Мин уопсастыбаннай үлэҕэ өрүү көхтөөх этим. Кутанаҕа олорон “Илгэ” эбэлэр түмсүүлэрин тэрийбитим, ол түмсүү билигин да үлэлиириттэн үөрэбин. Элгээйигэ кырдьаҕастар кулууптарын старостата этим, Сунтаар улууһун хаһыатыгар уопсастыбаннай корреспонденнаабытым.

2012 сыллаахха Дьокуускайга, оҕолорбуттан чугас буолаары, көһөн кэлбитим. Үһүс саас оскуолатын литературнай куруһуогар сөбүлээн дьарыктанабын.

Дьокуускай дьаһалтата быйыл кырдьаҕастарга сиэр-туом набордарын түҥэттэ. Манна алаадьы састаабыгар киирэр ас-үөл, сиэргэ-туомҥа туттуллар кыл, кытыан, чэй баар.

Алаадьы – сахаларга былыр-былыргыттан сиэргэ-туомҥа туттуллар, сакральнай суолталаах мааны аспыт. Быйыл онлайн ыһыах сиэрин-туомун хас биирдиибит дьиэтигэр толорор, алаадьы астаан арчыланар кыахтаах.

Биһиэхэ наада:

Үүт – 300 мл;

Сымыыт – 2 уст;

Уу – 1/3 ыст;

Бурдук – 500 гр;

Туус  – ½ ч.нь;

Мас арыыта – 180 гр, ыһаарылыырга.

Үүтү, ууну, тууһу, сымыыты холбоон ытыйабыт. Ытыгынан туттар ордук табыгастаах. Онтон бурдукпутун кыра-кыралаан сиидэлээн эбэбит. Тиэстэбитин хойуу сүөгэй курдук буолуор диэри ытыйабыт.

Итийбит арыыга буһарабыт.

Алаадьыны күөрчэҕи, барыанньаны кытта остуолга биэрэбит.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...