«Ыһыаҕым саргылаах таҥаhа, кэскиллээх киэргэлэ»

Итинник ааттаах быыстапка-дьаарбаҥка муус устар 8-10 күннэригэр  «Кружало» эргиэн эрээттэригэр ыытыллыаҕа. Бу туһунан Олохтоох дьаһалта пресс-сулууспата иһитиннэрдэ.
Саас аайы ыытыллар быыстапка-дьаарбаҥка киин куорат олохтоохторун уонна ыалдьыттарын улахан болҕомтотунан туһанар: манна кэлэн сайыҥҥы уонна ыһыахха кэтэр сахалыы мааны таҥаһы, киэргэллэри сакаастыахха сөп. Бу тэрээһиҥҥэ уран тарбахтаахтар саҥа оҥоһуктарын көрдөрөллөр, ким тугу баҕарарын истэллэр, сакаас ылаллар. 

Быыстапка-дьаарбаҥка сүрүн салаалара:
- Национальнай сахалыы таҥас: дьахтарга, эр киһиэхэ, оҕоҕо;
- үрүҥ көмүстэн үгэс буолбут сахалыы киэргэллэр;
- сылгы сиэлиттэн оҥоһуктар;
- биисэр, тесьма уо.д.а. оҥоһуктарга туттар матырыйааллар;
- национальнай таҥас матырыйаала;
- сувенирдар.

Кыттыы усулуобуйата:
Регистрацияланар төлөбүр – 2 000 тыһ. солк.
Анаан бэлэмнэммит сир кв. м. – 3 500 солк. Арендаҕа кырата 2 кв.м. иэннээҕи ылыллар.
Итиннэ киирэр:
Быыстапкалыыр стендэ, суруктаах фризовай панель, 1 остуол, 2 олоппос, кумааҕы корзината, быыстапка уопсай рекламата, харабыл, ааһар уонна уопсай миэстэни хомуйуу, уот ситимэ. 

Бырагыраамата:
Ыһыах оҥоһуктарын, тэрилин быыстапка-дьаарбаҥката;
«Симэх» национальнай киин «Сөргүтүү – Возрождение» айар сойууһун маастардарын билсиһиннэрии;
«Халадаай» былааччыйа историята (100 халадаайдаах дьахтар тахсар);
Сахалыы  национальнай таҥаһы уонна киэргэли көрдөрүү;
«СахаБулт» ФАПК АУо баазатыгар үлэлиир «Чэпчэки промышленнас кластера» резиденнэрин оҥоһуктарын сүрэхтэниитэ;
Купоннарынан бириистэри оонньотуу.
Быыстапка кэнниттэн бары кыттааччыларга сертификат бэриллэр.
Билсэр нүөмэрдэр: 8 (4112) 42-07-89, 8 (924) 663-35-32, 8 (914) 280-44-19, электроннай почта: tpp14@mail.ru.