«Водоканал» тэрилтэ тымныы уу турбатын 64% сууйда

От ыйын 14 күнүнээҕи туругунан «Водоканал» АУо Дьокуускай куоракка 74 км усталаах уу турбатын сууйан түмүктээн, былааннаммыт иэн 64% толордо. 
10 емкость дезинфекцияланна, 451 холуодьаска ыраастааһын уонна өрөмүөн үлэтэ ыытылынна. График быһыытынан баһаарынай гидраннар уонна запорнай арматура ревизияланар. 
Маннык ис хоһоонноох үлэ күһүҥҥү-кыһыҥҥы кэмҥэ саахалы таһаарбат уонна нэһилиэнньэни СанПИН ирдэбилигэр эппиэттиир тымныы уунан быыстала суох хааччыйар сыалтан ыытыллар. Магистральнай ситимнэри реагеннарынан сууйарга уонна ыраастыырга ууну биэриини тохтотор ирдэнэринэн, үлэ түүҥҥү кэмҥэ ыытыллар.
Балаҕан ыйын 1 күнүгэр диэри тэрилтэ Дьокуускай куоракка 115 км усталаах уу турбатын ситимин уонна 18 емкоһы ыраастыыр былааннаах, маны сэргэ 940 холуодьаска ыраастааһын, өрөмүөн үлэтэ ыытыллыахтаах, 291 баһаарынай гидрант ревизияланыахтаах. Үлэ технологияны учуоттаан уонна Роспотребнадзор упррвлениетынан уонна Олохтоох дьаһалтанан сөпсөһүннэриллэн ыытыллар.
Санатар буоллахха, тымныы уунан хааччыйыы систиэмэтэ Дьокуускай куоракка үс бөлөххө арахсар: магистральнай, кыбаартал иһинээҕи уонна дьиэ иһинээҕи. «Водоканал» АУо магистральнай ситимнэри көрөр-истэр буоллаҕына, кыбаартал иһинээҕи ситимнэринэн өҥөнөн хааччыйар тэрилтэлэр дьарыктаналлар, дьиэ иһинээҕи турбаларынан — салайар хампаанньалар уонна дьиэни бас билээччилэр табаарыстыбалара, диэн иһитиннэрэр «Водоканал» АУо пресс-сулууспата. Хаартыска: Мария Васильева, СИА.