Владивостокка Дьокуускай аатынан уулусса аһылынна

Саха АССР төрүттэммитэ 100 сыллаах үбүлүөйүнэн Владивосток куорат биир уулуссатыгар Якутская диэн аат иҥэриллибитин бэлиэтиир мэҥэ тааһы арыйыы үөрүүлээх быһыыга-майгыга ыытылынна.

Үбүлүөйдээх даатаҕа анаммыт мемориальнай  бэлиэ уулусса саҕалыынытагар туруорулунна.

Владивосток куорат баһылыгын солбуйааччы Дарья Стегний эҕэрдэ тылыгар Дьокуускай уонна Владивосток куораттар бииргэ үлэлииллэригэр уопсай хайысхалар бааллар диэн эттэ. Ол иһигэр атырдьах ыйын саҥатыгар куораттарбыт икки ардыларыгар бииргэ үлэлээһин туһунан сөбүлэҥи түһэрсибиттэрэ бэлиэтэннэ.

Илиҥҥи экономическай форум үлэтин саҕалаары турдаҕына аһыллыбыт мэҥэ таас бииргэ үлэлээһиҥҥэ уонна норуоттар доҕордоһууларыгар олук ууруоҕа диэн Уһук Илиҥҥи федеральнай уокурукка баар Саха сирин бэрэстэбиитэлистибэтигэр бэлиэтииллэр.