Владимир Дорожкин «Саюри» оҕуруот аһынан уонна «Баҕарах» сүөһү иитиитинэн дьарыктанар комплекстар үлэлэрин кытта билистэ

Куорат баһылыгын территориялары сайыннарыы, тыа хаһаайыстыбатын, эргиэн уонна урбаан боппуруостарыгар солбуйааччы Владимир Дорожкин бу күннэргэ Хатас бөһүөлэгэр үлэлиир «Баҕарах» сүөһү комплексыгар уонна Тулагы Сыырдааҕар баар «Саюри» тэпилииссэлэрин тирээн турар кыһалҕаларын кытта билистэ.
Көһө сылдьар мунньах түмүгүнэн салайааччы тэрилтэлэр иннилэригэр турар сыллааҕы соруктары быһаарда. Ол курдук, тыа хаһаайыстыбатын бородууксуйатын оҥорон таһаарыы иэнин улаатыннарга туох дьаһаллары ылынар наадатын чопчулаата, диэн иһитиннэрэр Олохтоох дьаһалта пресс-сулууспата. 
Санатар буоллахха, Владимир Дорожкин куорат баһылыгын территориялары сайыннарыы, тыа хаһаайыстыбатын, эргиэн уонна урбаан боппуруостарыгар солбуйааччытынан от ыйын саҥатыттан инники салайааччы Владимир Аржаков куорат баһылыгын социальнай боппуруостарга солбуйааччынан анаммытын кэннэ үлэлиир. Владимир Дорожкин бу иннинэ сүүрбэ сыл Ис дьыала министиэристибэтин уорганнарыгар үлэлээбит уопуттаах.