«Вкус Якутии» бэстибээл ыҥырар

Киин куорат олохтоохторун бэс ыйын 12 күнүгэр 12:00 чаастан 17:00 чааска диэри «Вкус Якутии» бэстибээл Саха национальнай аһылыгын уонна «SakhaStreetFood» стрит-фуд  бастакы бэстибээллэригэр ыҥырар. Бу туһунан «Ассоциация Гостеприимства Республики Саха (Якутия)» иһитиннэрдэ. 
«Ассоциация Гостеприимства Республики Саха (Якутия)» ресторатордар, отельердар уонна туризм национальнай ассоциацията куораттааҕы култуура уонна сынньалаҥ пааркатын кытта кыттыһан «SakhaStreetFood» гастрономическай бэстибээли тэрийэллэр. 
Тэрийээччилэр этэллэринэн, стрит-фуд диэн уулусса аһылыга эрэ буолбатах, ити – көлүөнэттэн көлүөнэҕэ бэриллэр национальнай аһылык. Саха куукуната таба, убаһа этэ уонна балыга суох сатаммат. Бэстибээлгэ итинтэн төһө элбэх аһы астыахха сөбүн дьон дьүүлүгэр таһаарыахтара. 
Ол курдук, тэрээһин чэрчитинэн дьаарбаҥкалар, маастар-кылаастар, дегустация, уулуссаҕа атыы-эргиэн, итиэннэ араас куонкурустар уонна түмүккэ бырааһынньыктааҕы кэнсиэр буолуохтара. 
Тэрийээччилэр: «Вкус Якутии» гастрономическай бэстибээл уонна Олохтоох дьаһалта. Амбассадор – «Атласовтар уһаайбалара» ресторан   бренд-шефа Николай Атласов.
Сүрүн спонсордар: «Кабаре» идэтийбит куукуна тэрилин маҕаһыына, «Саюри» тэпилииссэ комплекса.