VIII-с «Азия оҕолорун» Уотун улуус бастыҥнара көрсөллөр

Ытык “Өлүөнэ очуостарыгар” кулун тутар 19-20 күннэригэр ылыллан саҕаламмыт “Азия оҕолорун” VIII-с Спортивнай оонньууларын Уотун эстафетата Хаҥалас, Горнай, Бүлүү, Үөһээ Бүлүү, Ньурба, Сунтаар, Мииринэй, Ленскэй, Анаабыр, Өлөөн, Булуҥ, Эдьигээн, Усуйаана, Аллайыаха, Аллараа Халыма, Орто Халыма, Үөһээ Халыма улуустарыгар ыалдьыттаан баран, Өлүөхүмэнэн, Эбээн-Бытантайынан сылдьар.
Факелы былыргы өбүгэлэрбит үгэстэринэн, сахалыы сиэринэн-туомунан, улуустар, оройуоннар баһылыктара, дьаһалталар көрсөллөр. Улуустар, оройуоннар бастыҥ үлэһит дьоно, ыччаттара, спортсменнар факелы тутар чиэскэ тиксэллэр. Уот эстафетата 26 тыһыынча кэриҥэ км ааста.