VIII-с «Азия оҕолоро» Оонньууларга бэлэммит хайдаҕый?
![VIII-с «Азия оҕолоро» Оонньууларга бэлэммит хайдаҕый?](https://kiinkuorat.ru/wp-content/uploads/2024/06/DxgOZBgAvu.jpg)
Бэс ыйын 14 күнүгэр куорат тэрилтэлэрин салайааччылара баһылык Евгений Григорьевка VIII-с «Азия оҕолоро» Оонньууларга бэлэмнэниинэн отчуоттаатылар.
Куорат хаһаайыстыбатын үлэлэтэр сулууспа салайааччыта Владимир Аммосов иһитиннэрбитинэн, уопсастыбаннай туоналары тупсарыы үлэтэ бэс ыйын 15 күнүнэн түмүктэнэр.
Кырдьаҕас куорат өрөмүөнэ 87% бэлэм. Уопсастыбаннай миэстэлэргэ пааматынньыктары өрөмүөннээһин ыытыллар.
Көҕөрдүү үлэтэ – 98%, уулусса-суол ситимин, ол иһигэр дьаама өрөмүөнэ 86% бэлэм.
«Главстрой» МХТ салайааччыта Алексей Варламов информациятынан, бэс ыйын 18 күнүгэр диэри Устудьуоннар сквердэригэр билиитэ ууруута, бэс ыйын 19 күнүгэр диэри дьиэлэр эркиннэрин кырааската түмүктэнээри тураллар. Бу күннэргэ аадырыстаах суруктары ыйыыллар.
Тырааныспар управлениетын салайааччыта Василий Амбросов студгородок таһынааҕы дьиэлэр олохтоохторо Оонньуулар кэмнэригэр Кулаковскай, Петровскай уонна Павлик Морозов уулуссаларынан сылдьар буолуохтара.
Култуура уонна духуобунай сайдыы управлениетын начаалынньыга Индира Ли Ордоникидзе уулуссатыгар ыытыллар култуурунай бырагыраама былаанын билиһиннэрдэ. Физическэй култуура уонна спорт управлениетын салайааччыта Эдуард Ефимов эбийиэктэр бэлэмнэрин туһунан иһитиннэрдэ.
Мунньах түмүгүнэн Евгений Григорьев хаалбыт үлэни кылгас кэмҥэ ситэрэргэ-оһорорго сорудахтаата, диэн иһитиннэрэр Олохтоох дьаһалта пресс-сулууспата.
Сонуннар
Ордук ааҕаллар
![Түөһэйии элбээн иһэрэ дьиксиннэрэр...](/thumbnails/600/300/wp-content/uploads/2024/08/NNDIAGM5TA.jpg)
![Герман Отов: «Пригороднай аныгылыы улахан бөһүөлэк буолар чинчилээх...»](/thumbnails/600/300/wp-content/uploads/2024/09/inhECNdY5z.jpg)
![Баһылык Строительнай уокурук олохтоохторун кытта көрүстэ](/thumbnails/600/300/wp-content/uploads/2024/08/qRWAY5fveB.jpg)
![«Якутск вдохновляет» күрэххэ кыттыҥ!](/thumbnails/600/300/wp-content/uploads/2024/08/zc1WJpfgUt.jpg)