10.10.2023 | 10:00

ВЭБ.РФ баараҕай социальнай бырайыага саҕаланна

ВЭБ.РФ, ЦСКА Идэтийбит футбол кулуубун академиятын уонна партнердарын кытта, «1000 юных футболистов» диэн Арассыыйа 100 бөдөҥ куораттара киирэр бырайыагын саҕалаата. Оҕолорго анаан идэтийбит тренердэр үс күннээх маастар-кылаастары ыытыахтара диэн Олохтоох дьаһалта пресс-сулууспата иһитиннэрдэ.
ВЭБ.РФ баараҕай социальнай бырайыага саҕаланна
Ааптар: Киин Куорат
Бөлөххө киир

Бүгүн, алтынньы 10 күнүгэр, Дьокуускайга «Дохсун» спорткомплекска маастар-кылаастар аһыллыылара буолар. Киин куораппыт эдэр спортсменнэрин кытта бырайыакка Хаҥалас, Мэҥэ Хаҥалас, Удачнай, Айхал уонна ыраах сиртэн – Улан-Удэ, Хабаровскай, Уссурийскай куораттар хамаандалара кыттыахтара.

Бырайыак сүрүн сыала – футболу уонна чөл олоҕу пропагандалааһын, оҕолор уонна тренердэр маастарыстыбаларын үрдэтии. Маастар-кылаастар 5 сааһыттан 15 сааһыгар диэри оҕолорго анаан федеральнай уокуруктар араас куораттарыгар ыытыллыахтара. Тэрээһин ыытыллыбыт бастакы куоратынан Томскай буолбута, салгыы Новокузнецкайга уонна Екатеринбурга, Владикавказка маастар-кылаастар буоллулар. Былаан быһыытынан, үөрэх Казаньҥа, Саранскайга уо.д.а. куораттарга күүтүллэр.

«1000 юных футболистов» бырайыак түмүктүүр тэрээһинэ 2024 сыл кулун тутар ыйыгар былааннанна. Маастар-кылаастар бастыҥ кыттааччылара ЦСКА Идэтийбит футбол кулуубун академиятыгар көрүүнү ааһыахтара. Сүүмэрдээһини аастахтарына, кулууп иһинэн үлэлиир оҕо спортивнай оскуолатыгар үөрэнэ киириэхтэрэ, итиэннэ биллиилээх  футболистары кытта оонньоон көрүөхтэрэ.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...