17.07.2020 | 11:39

ВАУЧЕР диэн тугуй?

ВАУЧЕР диэн тугуй?
Ааптар: Киин Куорат

Бу от ыйын саҥатыгар авиахампаанньалар пандемия кэмигэр көппөтөхтөрүн иһин, билиэттээх дьоҥҥо харчы оннугар ваучерынан төннөрөллөрүн мэктиэлиир сокуон тахсыбыта. Бу сокуон толору үлэлииригэр РФ Бырабыыталыстыбатын көҥүлэ наада этэ.

РФ Бырабыыталыстыбатын уурааҕа от ыйын 6 күнүгэр таҕыста.

Онно олоҕуран маннык быраабылалар олоххо киирэллэр:

 - Арассыыйаҕа ыксаллаах быһыы-майгы (чрезвычайная ситуация), ураты бэлэм буолуу эрэсиимэ (режим повышенной готовности) олохтоммут кэмигэр авиахампаанньа бэйэтин өттүттэн дуогабары уларытар кыахтанна.

Бэлиэтээн эттэххэ, билигин ураты бэлэм буолуу эрэсиимэ Арассыыйаҕа бүтүннүүтүгэр олохтонон турар.

- Бырабыыталыстыба бу уурааҕа маннык кэмҥэ түбэһэр айаннарга дьайар (билиэт хаһан ылыллыбытыттан тутулуга суох):

  • Кытайга – 01.02.2020 – 01.05.2020 с.;
  • Атын дойдуларга уонна Арассыыйа иһинэн көтүүгэ 18.03.2020 - 01.05.2020 с.

- Мантан ыла харчыны төннөрөр оннугар, авиахампаанньа ваучер биэрэр бырааптанна. Ваучер 3 сыл үлэлиир.

- Ваучер көппөтөх билиэккит оннугар көннөрү бэлэм буолан хаалбат. Бастаан эһиги авиахампаанньаҕытыгар ваучер ылар баҕалааххыт туһунан иһитиннэрии ыытаҕыт. 20 күн ааспытын кэннэ хампаанньа билиэккит сууматыгар эппиэттиир ваучеры биэриэхтээх.

- Өскөтүн ваучер 3 сыл устата туттуллубатаҕына, сайабылыанньанан харчыта төннүөхтээх. Маныаха эһиги харчыгытын туһаммыттарын иһин бырыһыаны ааҕыахтаахтар (холобур, Киин баан билиҥҥи бырыһыана сылга 4,5 %).

- 3 сыл ааһарын кэтэспэккэ харчыларын төннөрүөхтэрин сөп:

  • 1 уонна 2 группалаах инбэлииттэр;
  • Аҕа дойду Улуу сэриитин бэтэрээннэрэ;
  • Инбэлиит оҕону эбэтэр 1, 2 группалаах инбэлиити арыаллааччылар;
  • Элбэх оҕолоох дьиэ кэргэн дастабырыанньалаахтар;

Харчыны төннөрүү болдьоҕо – 10 күн.

- Авиахампаанньа харчыны төннөрөр эбээһинэстээх эрээри, 3 сыл ааһа илигинэ сатаан ылбаккыт.

- Чартернай рейстэргэ бу сыһыана суох.

Сонуннар

Ордук ааҕаллар

Коркинныы олоруохха, Коркинныы айыахха
Дьон | 10.09.2021 | 15:49
Коркинныы олоруохха, Коркинныы айыахха
Итинник угуйар-көҕүлүүр ааттаах хамсааһын  Дьокуускай куоракка “Строительнай” эргиэн киинигэр саха улуу саарынынан ситимнэнэр. ХХ үйэ чулуу киһитэ, Саха АССР үтүөлээх учуутала, ССРС, РСФСР, Саха АССР үтүөлээх тириэньэрэ, “Бочуот Знага” уонна “Октябрьскай өрөбөлүүссүйэ” уордьаннар кавалердара  Дмитрий Петрович КОРКИН үөрэнээччилэрэ XXI Олимпиадаҕа Чыпчаал ситиһиилэригэр ананан, улахан педагог буоларынан 2018 сылтан улахан тэрээһин күһүн...
Өрөспүүбүлүкэ 100 сылынан
Дьон | 05.09.2021 | 03:00
Өрөспүүбүлүкэ 100 сылынан
Орто дойду саарыннара Арассыыйа элиитэтин киһитэ
Алгыстаах айан саҕахтара
Дьон | 06.09.2021 | 14:00
Алгыстаах айан саҕахтара
Кэнники кэмҥэ айан суола биллэ тубуста. Урукку дьылларга тиэхиньикэ аҕыйаҕа, суол туруга мөлтөҕө, онон улахан сырыы суоҕа. Ол оннугар сөмөлүөтүнэн көтөрбүт. Билигин үчүгэй суолунан  айанныырга  үөрэннибит, араас кыамталаах тиэхиньикэ да дэлэйдэ. Айаннаан иһэн тохтоло суох улахан кыамталаах массыыналар субуллалларын көрөҕүн. Ыраах сирдэринэн сылдьар суоппардар хотунан-соҕуруунан аһы-таҥаһы, туттар малы, тутуу маһын,...
«Дьокуускайдааҕы полумарафон 2021» санитарнай ирдэбиллэри тутуһан ыытыллыаҕа
Сонуннар | 07.09.2021 | 18:04
«Дьокуускайдааҕы полумарафон 2021» санитарнай ирдэбиллэри тутуһан ыытыллыаҕа
Балаҕан 12 күнүгэр «Туймаада» стадиоҥҥа «FitnessLife Дьокуускайдааҕы полумарафон RESTART 2021» ыытыллар. Күрэхтэһии көрөөччүтэ суох буолуоҕа. Ол туһунан Уокуруктааҕы дьаһалта пресс-сулууспата иһитиннэрдэ.  Тэрээһин үөрүүлээх аһыллыыта 07.30 чааска буолар. Полумарафон 21,1 км, 10,5 км уонна 5 км дистанцияҕа сүүрүүтэ 08.00 чааска саҕаланыаҕа.  СӨ Роспотребнадзор Управлениетын иһитиннэриитинэн, полумарафоҥҥа вакцинация толору кууруһун ааспыт, эбэтэр...