29.04.2021 | 10:51

Варшава дуорааннара

Варшава дуорааннара
Ааптар: Иван Ушницкай

Ааҕааччылар Европа чемпионатын түмүгүн ырытыыны эрэйэллэр. 
Европаҕа миэстэлэһэ сылдьыбыт маннык түһүлгэ амтанын амсайбыт уолаттартан саҕалыахха.  
Николай Охлопков 65 кг отой ыарырҕатар эбит. Буолумуна, 55 кг туста сырыттаҕа. 61 кг киирбитэ буоллар, баҕар, уруккутун курдук миэстэлэһиэ хааллаҕа. 
Владимир Егоров эмиэ 57 кг. тустубут буоллун... Кини 61 кг бэһис буолта да, холугар сөп. Ити икки уолан Европа призердара буола сылдьыбыттара. Бу саҥа ыйааһыннарыгар утарсааччыларыгар күүс-уох өттүнэн баһыйтардылар. Мөккүөрэ суох хоттордулар. 
Тустууну таптааччы, спорду сэҥээрээччи үксэ Арыйаан Тютринтэн элбэҕи күүппүттэрэ. Дьокуускайга Аан дойду кубогар чаҕылхай тустуулары көрдөрөн эрэл лаппа улааппыта. Ол эрээри онтон ыла оннук быраҕыылардаах хапсыһыыларын хатылыы илик. 
Бастакы эргииргэ Арассыыйа иккис нүөмэрин Наачын Монгуһу балайда баһыйан иһэн, бүтэһик сөкүүндэлэргэ сыыһа туттуталаан кэбистэ. Итиннэ уопут бөҕөлөөх бөҕөспүт кыайыыны кытаахтаан тиһэҕэр диэри чорбойуутун күппүлүү ыыппатаҕа буоллар, чемпионнаан да хаалыа эбит. Баат-соргу боруонса мэтээли эмиэ сыыһа харбатта. Көмүс кытахтан төкүнүйүүтэ хомотто. Дьэ, аны итинник улахан түһүлгэ эһиил биирдэ буолар. Арай аан дойду чемпионатыгар илэ бодотун тардыннаҕына хайыыр? Бэһис миэстэ буолла—ити кини кыаҕар татым. Хайдах эрэ эрчиллиитэ ситэтэ суохха дылы. Белоруссияҕа 57 кг икки лидербит Андреев—Тютрин конкуреннар хайдах көбүөргэ утарыта туруохтарай? Атын тутуһуохча киһилэрэ суох. Легионердарбыт, дьиҥэ, тустуу уйатыгар Кавказка ордук элбэхтик, саатар Сахаларын сиригэр  эрчиллэллэрэ буоллар...
Дьэ, саҥа боруонса призербут Эдуард Григорьев, чахчы, сэргэх тустуулары көрдөрдө. Уопуттаах тренер, урукку тустуук, аан дойдутааҕы кылаастаах маастар Данил Неустроевтыын үлэ бөҕөнү оҥорбуттара тута көһүннэ. Анал диетологтанан, тиритииттэн көмүс көлөһүннэрэ мээнэ тохтубатах.  Тилиннэ.  Данил  аҕата соторутааҕыта биһиги кэккэбититтэн туораабыт Роман Васильевич Неустроев Роман Дмитриевы, Сахааччаны, Прокопий Шестакову, Владимир Андросовы  кытта биир кылааска үөрэммитэ, ССРС спордун маастара, үтүөлээх тренер, оҕо эрдэҕиттэн эмиэ тустуу диэн баран муннукка ытаабыт киһи этэ. 
Эдуард Григорьев Варшава көбүөрүгэр бастакы утарсааччыларын, этэргэ дылы, соһуталаан кэбистэ:10:0, 10:0, 8:2.  Полуфиналга Арассыыйа лидерэ Абасгаджи Магомедовка кэннинэн кэхтибэккэ киирсэ сатаата –  2:4. Тоһоҕолоон эттэххэ, Абасгаджи Эдуардыын эрэ эристэ. Атыттары олох тулуппата, хаардыы хаамта.  Бастакы мүнүүтэлэргэ  кум-хам тутаттаата. 10:0 эбэтэр ыраас эрэ кыайыыларынан көтөллөннө. 
Саҥа призеру билиһиннэрдэххэ, Бүлүүттэн төрүттээх. Чурапчы физкультурнай институтун устудьуона. Омуктар кыттыылаах  Польша аһаҕас кубогын 65 кг  хаһаайына. Ити олимпийскай ыйааһыҥҥа көһөргө суоттаммыта да,  Польшаҕа лидер, аан дойду икки төгүллээх призера, Европа чемпиона, аварец  Гаджимурад Гаджиевтыын өссө көрсө илик. Кинини Токиоҕа туһаайан, лицензионнай аан дойдутааҕы турнирга бэлэмнии сылдьаллар. 
Мин саныахпар, 61 кг улахаҥҥа соруктанара ордук этэ. Бу ыйааһыҥҥа урут Бразилияттан устудьуоннарга аан дойду чемпионун кыһыл көмүс мэтээлин аҕалан турар. “Коркин” аан дойдутааҕы турнир хас да төгүллээх призера, билигин саамай тустарга өссө да эбиллэр, күөгэйэр күнүгэр сылдьар.  

Сонуннар

Ордук ааҕаллар

Бэрт былдьаһар норуот сайдыбат
Сытыы муннук | 01.05.2021 | 20:45
Бэрт былдьаһар норуот сайдыбат
«Сахалар сүрдээх сэмэй омукпут ээ» дэһэбит ардыгар. Бу бэйэбитин омук быһыытынан сыаналанар быһыыбыт дуу, эбэтэр оннук майгылаахпыт, култууралаахпыт, сиэрдээхпит эбитэ дуу?   Саха кырдьаҕас омугунан биллэр. Өбүгэбит олоххо муударай көрүүтэ үйэлэртэн үйэлэргэ өс хоһоонунан, сахабыт тылын дэгэтинэн хоһуйуллан, күн бүгүҥҥэ диэри тиийэн кэллэҕэ. Үтүө быһыыны оҥордоххо, “Үтүө үтүөнэн эргиллэн кэлэр”...
Тимир ууһа олоҕу кытта тэҥҥэ хардыылыыр
Дьон | 03.05.2021 | 10:34
Тимир ууһа олоҕу кытта тэҥҥэ хардыылыыр
Саха сиригэр коронавирус ааспыт сылга кэлбитэ. Туох-ханнык балаһыанньа үөскүөхтээҕин ким даҕаны билбэт этэ. Икки атахтааҕы таҥнары баттыыр ыарыыбыт уоскуйар санаата суох. Бу дьаҥы утары охсуһар биир саамай көдьүүстээх тэрилинэн салгыны ыраастыыр рециркуляторы ааттыахха сөп. Саха сиригэр биир бастакынан олоххо киллэрбит киһинэн «Якутия» технопаарка резиденэ Иннокентий Уран буолар.   Иннокентий Уран...
Тренер үлэтэ үрдүктүк сыаналанна
Дьон | 03.05.2021 | 10:58
Тренер үлэтэ үрдүктүк сыаналанна
Ханнык баҕарар нэһилиэк, сир-дойду аатырар онно олорор дьонунан-сэргэтинэн, кинилэр суон сурахтарынан, оҥорон хаалларбыт дьыалаларынан. Бүгүн биһиги хаһыаппыт ыалдьыта, чахчы да, килбиэннээх олоҕу олорбут, үтүмэн үгүс үлэни үлэлээбит-хамсаабыт, ыччаты спортка, хайыһарга сыһыарбыт, нэһилиэк биир түс-бас, тумус туттар киһитэ, олохтоох самодеятельность актыыбынай кыттыылааҕа, улахан буукубаттан суруллар Учуутал, Тренер Григорий Константинович Дьячковскай. Бу...
Харчана ИВАНОВА: «Профессионалбын дэммэппин…»
Дьон | 03.05.2021 | 20:24
Харчана ИВАНОВА: «Профессионалбын дэммэппин…»
Бүгүн, ыам ыйын 3 күнүгэр, Арассыыйаҕа Кондитер күнэ бэлиэтэнэр. Мин инстаграм ситимигэр сэргээн, сөҕө-махтайа көрөр кондитерым Харчана Иванова туһунан кэпсиэхпин баҕарабын.  Кини хас оҥорон таһаарбыт туорда хатыламмат уһулуччу үчүгэй айымньы, ювелир үлэтэ диэтэхпинэ, бука, сыыспатым буолуо. Харчана Николаевна үгүс түбүктэриттэн быыс булан, миигин кытта сэһэргэһэргэ сөбүлэстэ. Бастаан бэйэтин туһунан кылгастык...