Вакцинация түүнэ ыытыллар

Сэтинньи 4, 5 уонна 6 күннэригэр Дьокуускай куораттааҕы 3 №-дээх балыыһа А.С.Пушкин аатынан Судаарыстыбаннай нуучча драматическай театрын дьиэтигэр «Ночь вакцинации» аахсыйаны ыытар.
Быһыыны эрдэттэн суруйтарыыта суох киэһэ 21.00 чаастан түүн 24.00 чааска диэри Ленин пр. 21 №-гэр кэлэн ылыахха сөп.
Быһыыны туруортарарга пааспар, медицинскэй полис уонна СНИЛС ирдэнэр. 
Бу иннинэ куораттааҕы 3 №-дээх балыыһа «Ночь вакцинации» аахсыйаны эстрада Театрыгар ситиһиилээхтик ыыппыта. 
Санатар буоллахха, СӨ Ил Дарханын Ыйааҕар олоҕуран, алтынньы 30 күнүттэн сэтинньи 7 күнүгэр диэри (ити күнү киллэрэн туран) театрдарга, музейдарга, киинэ театрдарыгар уонна да атын култуура тэрилтэлэригэр, ону сэргэ атыы-эргиэн кииннэригэр баар аптекаларга, ас-үөл маҕаһыыннарыгар, саамай наадалаах табаары атыылыыр туочукаларга, рестораннарга уонна кафеларга быһыыны ылбыты туоһулуур QR-кодунан киириллэр.