17.10.2020 | 17:24

Вакцинацияҕа 20 тыһ. үөрэнээччи хабылынна

Вакцинацияҕа 20 тыһ. үөрэнээччи хабылынна
Ааптар: Киин Куорат
Бөлөххө киир

Үөрэх дьыла саҕаланыаҕыттан Үөрэх управлениета нэдиэлэ аайы хас оҕо быһыы ылбытын, хас үөрэнээччи кирииптээбитин, тумуулаабытын кэтээн көрөр. Ол курдук, кириип, ОРВИ утары вакцинация үөрэх тэрилтэлэригэр график быһыытынан салҕанар.

Үөрэх управлениета иһитиннэрбитинэн, алтынньы 12 күнүнээҕи дааннайынан, 10650 алын сүһүөх кылаас үөрэнээччитэ кириип уонна ОРВИ утары быһыыны ылла. 4922 оҕо төрөппүтэ вакцинацияттан аккаастаммыта бэлиэтэнэр. Кинилэртэн 1288 үөрэнээччи медотводтаах диэн быһыы ылартан туттуммут.

5-9 кылаастары ылан көрдөххө, 7763 үөрэнээччи вакцинацияны ааспыт. 4682 оҕо төрөппүтэ прививкаттан аккаастаммыт, олортон 1040 медотводтаах.

10-11 кылаастартан вакцинацияҕа 2578 оҕо хабылынна. 1267 үөрэнээччи аккаас суруйбут, онтон 1040 медотводтаах.

Ол курдук, киин куоракка 20991 үөрэнээччи   кириип уонна ОРВИ утары быһыыны ылла. Бу туһунан куорат дьаһалтатын пресс-сулууспата иһитиннэрэр.

Уопсай үөрэхтээһин тэрилтэлэрин 4343 үлэһититтэн 2141 киһи кириип уонна ОРВИ утары быһыыны ылла. Ол аата 49, 3 бырыһыан хабылынна.

ОРВИ  уонна кириип элбээбитинэн сибээстээн, алтынньы 1 күнүттэн Дьокуускай куорат 17 оскуолата быстах дистанционнай үөрэхтээһиҥҥэ көспүтэ. Оттон алтынньы 12 күнүнээҕи туругунан, 27 оскуола (52,9 бырыһыан) маннык форматынан үлэлиир.

112 кылаас (3090 оҕо) дистанционнай көрүҥүнэн үөрэнэр, онтон 26-та элбэх оҕо ыалдьыбытынан сибээстээн маннык формакка көстө. Оттон 86 кылаас кириип уонна ОРВИ тарҕаммытынан дистанционнай көрүҥүнэн үөрэнэр.

Сорох оскуолалар уруккуларын курдук үлэлииллэр. Ол курдук, алтынньы 12 күнүнээҕи туругунан, киин куорат 7 оскуолата – 32, 4, 22, 28, 34 №-дээх оскуолалар, Техническэй лицей, Оҕо айымньытын дыбарыаһыгар баар кылаастар, анал (коррекционнай) оскуола очнай көрүҥүнэн үөрэнэллэр. Ол аата уопсайа 2189 оҕо.

Аны туран, сорох оскуолалар икки көрүҥү булкуйан үлэлииллэр. Ол курдук, дистанционнай уонна очнай көрүҥүнэн 42 701 үөрэнээччилээх 44 оскуола үлэлиир. Олортон 21176 оҕо дистанционнай, 21525 оҕо очнай көрүҥүнэн үөрэнэр.

Оскуола оҕолоро кирииптээбэттэрин уонна ОРВИ-нан ыалдьыбаттарын туһугар үөрэх дьыла саҕаланыаҕыттан вакцинация хампаанньата тохтообот. Манна төһөнөн элбэх киһи хабыллар да, соччонон кэлэктиип иммунитета бөҕөргүүр диэн төрөппүттэр билиэхтэрин наада.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Оҕуруотчут кистэлэҥнэрэ
Тускар туһан | 23.05.2024 | 18:00
Оҕуруотчут кистэлэҥнэрэ
Кылгас, ол эрээри өҥүрүк куйаас сайыннаах Сахабыт сиригэр эгэлгэ сибэккилэри, оҕуруот аһын арааһын үүннэрэн ылабыт. Сылтан сыл аайы соҕуруу дойдуга силигилии үүнэр сонун үүнээйилэр көрүҥнэрин олордон,  тиэргэммит, дьиэбит  кэрэ көстүүлэнэр, ону тэҥэ оҕуруот аһыттан, отонноох талахтартан кэнсиэрбэлэри, хомпуоттары оҥосторбут элбээтэ.    Бастыҥ тиэргэннээх  хаһаайка Мин бүгүн сайыҥҥы сырал күннэргэ ис сүрэхтэн...