Ууну хачайдааһын салҕанар

Быйыл хаар өлгөмнүк түһэн, куорат уулуссаларын намыһах сирдэриттэн ууну хачайдааһын үлэтэ күргүөмнээхтик салҕанар. «Жилкомервис» муниципальнай унитарнай тэрилтэ информациятынан, муус устар 9 күнүттэн 25 күнүгэр диэри намыһах, оҥхой сирдэртэн 2 745 кубометр уу хачайдаммыт.

«Муус устар 26 күнүнээҕи туругунан ууну хачайдааһыҥҥа 10 массыына үлэлиир. Түүҥҥү өттүгэр уу, чалбах  тоҥон хаалар, онон үксүн күнүс күүскэ хачайдыы сатыыбыт. Халлаан лаппа сылыйан, үлэбит өссө элбээтэ», - диир «Жилкомсервис» МУТ кылаабынай инженерэ Юрий Сильченко.

Хаар уутун хачайдыыр үлэ саамай кыһалҕалаах учаастактара: Ленин проспегар (Октябрьскай уулусса быһа охсуһуутуттан Суорун Омоллоон аатынан уулусса быһа охсуһуутугар диэри), Чиряев аатын сүгэр уулусса (Хабарова аатынан уулусса быһа охсуһуутуттан Оржоникидзе уулуссатын быһа охсуһуутугар диэри), Дзержинскэй уулусса ( Дзержинскэй 69 нүөмэриттэн саҕалаан «Белые ночи» Кальвица аатынан уулусса быһа охсуһуутугар диэри), (Кальвица уулусса быһа охсуһуутуттан Столичнай ырыынакка диэри), Кулаковскай аатынан уулусса, Ленин проспега (Дежнев уонна Ленин уулуссаларын быһа охсуһуулара), Автодорожнай («Прометей» микрооройуона), Губин уонна Орджоникидзе (П. Алексеев аатынан уулусса быһа охсуһуутуттан – ГАВС-ка дылы), Лермонтов аатынан уулусса («Бааһынай» ырыынагыттан Петровскай), (Октябрьскай уулуссаттан Короленко уулуссатын быһа охсуһуутугар диэри), Горькай аатынан уулусса (Горькай 100 нүөмэриттэн Киров уулуссатын быһа охсуһуутугар диэри),  Ойуунускай аатын сүгэр уулусса (Октябрьскай уулуссаттан  Каландаришвили уулуссатын быһа охсуһуутугар диэри), Кальвица уулуссата (Б. Чижик аатынан уулусса быһа охсуһуутуттан Дзержинскэй уулуссатын быһа охсуһуутугар диэри), Советскай Армия (П. Осипенко аатынан уулусса быһа охсуһуутуттан Б. Чижик уулуссатын быһа охсуһуутугар диэри), Каландаришвили уулусса (Чайковскай, Винокуров, Маяковскай, Чехов, Софронов ааттарынан уулуссалар быһа охсуһуулара).