Ууга сэрэхтээх буолуохха!

Ууга сэрэхтээх буолууга ыҥырар эриэйдэрэлэр салҕаналлар. Саха өрөспүүбүлүкэтин быыһыыр сулууспата Ыксаллаах быһыы-майгы министиэристибэтин ГИМС инспекторын кытары Дьокуускай эргининэн Өлүөнэ өрүс тардыытыгар эриэйдэ ыыттылар.

Былааннаммыт сэрэтии үлэтин кэмигэр тустаах үлэһиттэр балыксыттарга ууга сэрэхтээх буолуу быраабылаларын кэпсээтилэр.

Уу суудуналарынан уонна ПВХ тыыларынан балыктыыр дьоҥҥо суһал балаһыанньаҕа быыһанар тэриллэр баар буолуохтаахтарын санаттылар: быыһыыр сэлиэччиктэр, ууга түспүт киһини быыһыыр анал быа (“конец Александрова”). Маны таһынан балыксыттар Өлүөнэ өрүс уутун таһымын уларыйыытын кэтээн көрө сылдьыахтаахтар.

Ууга сынньанааччыларга, балыксыттарга, уу көлөтүн ыытааччыларга памяткалар туттарылыннылар.

СӨ Быыһыыр сулууспата балыктыы барыаххыт иннинэ хайаан да ханаа, хайа диэки хайысхаҕа бараргытын чугас дьоҥҥутугар этэн бараргытыгар, хаһан төннөн кэлэргитин  чуолкайдыыргытыгар сүбэлиир. Бэйэҕитин кытта ыһык астаах, уларыттар таҥастаах сылдьар буолуҥ.

Ууга тахсыаххыт иннинэ тыыгыт уонна эрдиигит туругун чинчийэн көрүҥ. Хайаан да быыһыыр тэриллээх буолуохтааххыт. Улахан уу көлөлөрө айанныыр тардыыларыгар кыра тыыгытын туруорумаҥ.

Эрэһинэ тыынан балыктыыргытыгар уһуктаах биридимиэтинэн, уу анныгар хоройон турар маска тэһэ анньартан сэрэхтээх буолуҥ.

Аһыы утаҕы амсайан баран уу көлөтүгэр олорумаҥ.

Суһал сулууспалары ыҥырар биир кэлим төлөпүөн: 122

СӨ Быыһыыр сулууспатын нүөмэрэ: (4112) 45-90-19.

Хаартыска: yakutskcity.ru