«Уу – куттала суох территория» аахсыйа үһүс түһүмэҕэ ыытыллар

Регион территориятыгар атырдьах ыйын 23-29 күннэригэр «Уу – куттала суох территория» биэдэмистибэлэр икки ардыларынааҕы сэрэтэр аахсыйа үһүс түһүмэҕэ ыытыллар. Аахсыйа чэрчитинэн ыытыллар тэрээһиннэр ууга куттала суох сылдьары, куттал суох буолуутун хааччыйар, ууга оһоллонуу-дэҥнэнии түбэлтэлэрэ тахсыбыттарын  пропагандалыыллар. 
Ол курдук "Служба спасения РС(Я)" ГБТ быыһааччылара, ГИМС инспектордара, олохтоох дьаһалта бэрэстэбиитэллэрэ, сокуону араҥаччылыыр уорганнар сотрудниктара уонна уопсастыбаннас кыттыылаах өрөспүүбүлүкэтээҕи уу эбийиэктэригэр эриэйдэлэр, патруллааһыннар ыытыллаллар. 
Сир аайы пляжтар куттала суохтарын бэрэбиэркэлээһин, уу эбийиэктэригэр сынньанааччылары кытта бэсиэдэ, ууга быраабыланы кэһиини туоратыы тэриллэр, ууга сэрэхтээх буолуу туһунан буклеттары түҥэтэллэр. 
Итини сэргэ патруллуур бөлөхтөр туристар сынньанар базаларыгар, оҕону чэбдигирдэр лааҕырдарга, сөтүөлүүргэ анамматах уу эбийиэктэригэр сылдьаллар. Эпидемиологическэй быһыынан-майгыннан сибээстээн онлайн-уруоктар уонна социальнай ситимнэр нөҥүө профилактическай үлэ ыытыллар. 
Ураты болҕомто ууга оҕолор куттала суох сылдьалларыгар ууруллар. Итини таһынан, харах далыгар дьоҕус уйуктаах суудунулаах дьон сылдьаллар, кинилэри кытта туспа туһааннаах үлэ барар. 
Саха сирин быыһыыр сулууспата санатар: ууга сэрэнэ сылдьыҥ, болҕомтолоох буолуҥ, куттал суоһуурун умнумаҥ, быраабылалары тутуһуҥ. Оҕолору көрүүтэ-истиитэ суох хаалларымаҥ, ууга мэниктииллэрин бобуҥ. Уу таһыгар сылдьан итирдэр утахтары иһимэҥ. 
Куттал суоһуур түбэлтэтигэр 112 нүөмэргэ собуоннааҥ эбэтэр "Служба спасения РС(Я)" ГБТ дьуһуурунай чааһыгар (4112)45-90-19.