09.12.2022 | 15:00

Устудьуоннар тутар этэрээттэрэ — куораты тупсарыыга төһүү күүс

Дьокуускайга устудьуоннар тутар этэрээттэрин хамсааһына тэриллибитэ 55 сылын бэлиэтээтилэр уонна ааспыт сайыҥҥы үлэ семестрин түмүгүн таһаардылар.
Устудьуоннар тутар этэрээттэрэ — куораты тупсарыыга төһүү күүс
Ааптар: Розалия Томская
Бөлөххө киир

Бу бэлиэ түгэнинэн “Сэргэлээх уоттара” култуура киинигэр бырааһынньык тэрилиннэ. Дьоро күн сүрүн тэрээһинигэр СӨ Бэрэсидьиэнин уонна Бырабыыталыстыбатын дьаһалтатын салайааччы Георгий Михайлов, Дьокуускай куорат баһылыга Евгений Григорьев, Ыччат дьыалатыгар уонна социальнай коммуникацияҕа миниистир Петр Шамаев, Инновация, цифровой сайдыы уонна инфокоммуникационнай технологиялар миниистирин солбуйааччы Андрей Суслов, Предпринимательство, атыы-эргиэн уонна туризм миниистирэ Максим Карбышев, “Арассыыйа устудьуоннарын тутар этэрээттэрэ” Ыччат уопсастыбаннай хамсааһынан Саха сиринээҕи салаатын салайааччыта Айсен Соловьев кыттыыны ыллылар.

Дьокуускай баһылыга Евгений Григорьев бэтэрээннэри, тутар этэрээттэр байыастарын, хамандыырдарын истиҥник эҕэрдэлээтэ уонна “Арассыыйа устудьуоннарын тутар этэрээттэрин” салайааччытыгар бэлэх туттарда:

– Сайыҥҥы сезон көрдөрбүтүнэн, тутар этэрээттэр – бастатан туран, Сахабыт сирин киин куоратын тупсарыыга, иккиһинэн, устудьуоннар кыахтарын толору олоххо киллэриигэ төһүү күүс буолаллар. Бу сайын Дьокуускайы тупсарыыга үлэлээбит этэрээттэргэ улахан махталбын тиэрдэбин.

Устудьуоннар этэрээттэрэ үрдүк идиэйэлэри, моральнай сыаннастары тарҕатар күүстээхтэр. Ону кытта көлүөнэлэр ситимнэрэ, дойдуга бэриниилээх үлэ, кыһамньы өйдөбүллэрин илдьэ сылдьаллар – бу барыта бигэ туруктаах гражданскай уопсастыбаны тутуу көрүҥэ.

2016 сыллаахха, устудьуоннар этэрээттэрин үлэлэрин үрдүктүк сыаналыыр сыаллаах, бастыҥ байыастарга СӨ Ил Дарханын бириэмийэтэ олохтоммута. Бу биэриэмийэ устудьуоннар этэрээттэрэ өрөспүүбүлүкэ сайдыытыгар киллэрэр кылааттарыгар суолта биэрэр. 100 тыһыынча солк. суумалаах СӨ Ил Дарханын бириэмийэтин “В.П. Ларионов аатынан «Максимум”  устудьуоннар медицинскэй этэрээттэрин хамандыыра Надежда Бурнашева, М.К. Аммосов аатынан ХИФУ устудьуоннарын тутар этэрээттэрин ыстаабын хамыһаара Анисия Титова, «Peace Power People» этэрээт байыаһа Анжелика Захарова ыллылар. Маны тэҥэ бастыҥ байыастар махтал суруктары, грамоталары туттулар.

Саха сиригэр устудьуоннар тутар этэрээттэрин хамсааһына 1968 сыллаахтан саҕаламмыта. Бастакы үс сыл уопут мунньунууга, үөрэниигэ барбыта, салҕыы этэрээттэр кэккэлэрэ хаҥаан испитэ. Билиҥҥи туругунан, устудьуоннар тутар этэрээттэригэр 150 тыһыынчаттан тахса ыччат үлэлээн ааста. Устудьуоннар тутар этэрээттэрэ – дойду экономикатыгар быһаччы сабыдыаллаах, сайдыыны уһансар хамсааһын буола тэнийдэ.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...