08.07.2021 | 01:07

Ураты туһаныллар сирдэр

(Сири атыылаһыаҥ иннинэ бэрэбиэркэлээ)
Ураты туһаныллар сирдэр
Ааптар: Розалия Томская

“Сокуон-тойон” рубрика эрдэтээҥи таһаарыыларыгар учаастак атыылаһыахпыт иннинэ тугу бэрэбиэркэлиэхтээхпитин, тугу билэр булугуччулааҕын таһаарбыппыт. Бүгүн “Уратытык туһаныллар сирдэр” диэн өйдөбүлү сир боппуруостарынан дьарыктанар юрист Александра ПОРТНЯГИНА (@aleksandra_portnyagina) быһаарар:

– Уратытык туһаныллар сирдэр (ЗОУИТ – зоны с особыми условиями использования территорий) – бэрт уустук тиэмэ, ол эрэн судургутук уонна өйдөнүмтүөтүк быһаардахха маннык: ЗОУИТ – ураты кэтэнэр сирдэр, санитарнай зоналар, уу зоналара, халаан уута ылар сирдэрэ, аэродром чугаһынааҕы территориялар о.д.а. буолаллар.

Учаастаккыт ЗОУИТ диэн категорияҕа киирэрин-киирбэтин, бастатан туран, ЕГРН-тан выписка көрдөөн билиэххитин сөп. Ол эрэн, билиҥҥи кэмҥэ ЕГРН-ҥа уратытык туһаныллар сирдэр толору киирэ иликтэр – ону хайаан да учуоттуур тоҕоостоох. Сэрэххэ, ИСОГД диэн баар, эбэтэр куорат тутуутун былаана – баларга информация толорутун ирдэһиэххэ сөп, ЗОУИТ кыраныыссалара барыта ыйылла сылдьаллар.

 

Юрист практикатыгар дьиҥнээх олоххо көрсөр ураты туһаныллар сирдэр тустарынан кылгастык кэпсиим:

Газопровод тардыллыбыт сирэ. Гаас ситимэ ааһар сиригэр дьиэ туттар, оҥорон таһаарыы объектарын тутар олоччу бобуулаах.

Электричество ситимэ ааһар сирдэрэ. Хапытаалынай тутуу көҥүллэнэр, ол эрэн булгуччу электросетевой тэрилтэ сөбүлэҥин ылыахтааххыт.

Халаан уута ылар сирдэрэ. Сиртэн бу хааччаҕын ыла иликтэринэ ханнык да тутуу көҥүллэммэт. Арай ЕГРН-ҥа бу сир халаан уутугар барарын туһунан информация киирэ илигинэ тутууга көҥүл ылбыттар туттуохтарын сөп.

Аэродром чугаһынааҕы территориялар. Маннык сирдэр 7-ис подзоналарыгар олорор дьиэни тутуу бобуллар. Арай 2017 сыл от ыйын 1 күнүн иннинээҕи учаастактарга бу бобуу дьайбат.

Уу харыстанар зоната. Объектары тутуу көҥүллэниэн сөп, өскөтүн бу тутуулар ууну киртийииттэн харыстыыр усулуобуйалаах, кыахтаах, анал оборудованиелаах буоллахтарына. Оттон уу кытылыгар хапытаалынай тутуу көҥүллэммэт.

Уу ылыллар ураты зоналара. Хас да эргииргэ (пояс зон санитарной охраны водозаборных сооружений) араараллар. Бастакы эргииригэр хапытаалынай тутуу бобуулаах. Иккис уонна үһүс эргииригэр тутуу көҥүллэниэн сөп. Тутуу кэмигэр сир дьапталҕата алдьанар буоллаҕына, Санитарнай-эпидемиологическай надзор сөбүлэҥэ хайаан да наада.

Билигин сир анала уларытыллара элбэх. Онон учаастагы атыылаһыаххыт иннинэ хайаан да бары өттүттэн бэрэбиэркэлээҥ!

Сонуннар

Ордук ааҕаллар

Баһылык итирдэр утахтары атыылыыр быраабылаларга сыһыаннаах этии киллэрдэ
Сонуннар | 15.07.2021 | 13:00
Баһылык итирдэр утахтары атыылыыр быраабылаларга сыһыаннаах этии киллэрдэ
Куорат баһылыга Евгений Григорьев уопсастыбаннай аһыыр сирдэри кэҥэтэр уонна арыгы атыылыыр сирдэри социальнай эбийиэктэртэн тэйитэр туһунан этии киллэрдэ. Ол туһунан кини «Сахамедиа» медиа-кииҥҥэ ыытыллыбыт «Дополнительные ограничения времени, условий и мест розничной продажи алкоголя в Якутии» дискуссияҕа эттэ.  Баһылык ВОЗ дааннайдарынан арыгыттан сылтаан өлүү Арассыыйа 100 тыһыынча олохтооҕор ылан көрдөххө эр...
Дойдууна: «Сулус — халлааҥҥа, киһи — сиргэ»
Дьон | 17.07.2021 | 13:00
Дойдууна: «Сулус — халлааҥҥа, киһи — сиргэ»
Кинини  айылҕаттан ураты экстрасенс, сүппүт дьону булааччы быһыытынан сахалар эрэ буолбакка, өрөспүүбүлүкэ тас өттүгэр олорооччулар эмиэ билэллэр. Бүгүҥҥү кэпсиир дьоруойум “Саха сирин экстрасенстара – 2015” күрэххэ “Лучший экстрасенс Якутии” ааты сүкпүт ДОЙДУУНА. Дойдууна элбэх оҕолоох ыалга төрөөбүтэ, кинилэр бииргэ төрөөбүт тохсуолар. Хаҥалас улууһа киинэ түспүт, сиргэ үктэммит дойдута буолар. Ийэтэ...
Бары күүһү ойуур баһаардарын утары!
Сонуннар | 12.07.2021 | 11:30
Бары күүһү ойуур баһаардарын утары!
От ыйын 9 күнүгэр "Марха өрүс көмүскээччилэрин" түмсүүтэ Дьокуускай куорат общественниктарын, Ил Түмэн дьокутааттарын, СӨ бырабыыталыстыбатын, Дьокуускайдааҕы Дума, Общественнай Палата чилиэннэрин, суруналыыстары, блогердары, улуустар землячестволарын көҕүлээччилэрин, улуустар бэрэстэбиитэллэрин, бары тэрилтэ үлэһиттэрин кытта көрсөн Горнай, Ханалас уонна да атын улуустарга улахан ойуур баһаардара турбуттарынан, Бүлүү федеральнай суол кылгас кэмҥэ сабылла сылдьыбытынан...
Больничнай 100 бырыһыан төлөнөр буолла
Тускар туһан | 18.07.2021 | 11:30
Больничнай 100 бырыһыан төлөнөр буолла
8 саастарын туола илик оҕолор ыарыйдахтарына бэриллэр бүлүтүөн  төлөнүүтэ дьэ уларыйда.  Балаҕан ыйын 1 күнүттэн 8-тарыттан кыра саастаах оҕо ыарыйдаҕына, төрөппүтүгэр “больничнай илиис” төлөбүрэ хамнас 100%-гар тэҥнэһиэҕэ. Билигин бу төлөбүр үлэ ыстааһыттан эрэ тутулуктаах. Эдэр төрөппүттэр ыстаастара кыра буоллаҕына, «больничнай илиис» төлөбүрэ хамнастарынааҕар төһө эмэ кыра буолар.  “Больничнай” төлөбүрүн үрдээһинэ...