28.02.2023 | 19:30

Ураты хомуллуулаах күрэх буолла

Ураты хомуллуулаах күрэх буолла
Ааптар: «Кустук» пресс-киин, Күүкэй, Сунтаар.
Бөлөххө киир

Биһиги оскуолабытыгар маҥнайгы дириэктэрбит Анатолий Константинович Акимов үбүлүөйдээх 70 сылынан кинини географ учуутал быһыытынан көрдөрөр дьиэ иһигэр ыытыллар «спортивное ориентирование» диэн ураты күрэх буолан ааста.

Анатолий Константинович: «Киэҥ, чиҥ билиилээх-көрүүлээх киһи олоххо элбэҕи ситиһэр»,- диирэ бу күрэххэ бастакы хардыыны оҥорорго тирэх буолла.

Тэрээһин кыттыылаахтарын оскуола дириэктэрэ Егор Иванович Алексеев эҕэрдэлээтэ, бэтэрээн учуутал Мария Васильевна Николаева кылгастык оскуола историятын кэпсээтэ, Сардаана Егоровна Федорова оонньуу сүрүн быраабылатын билиһиннэрдэ.

Кутана, Сиэйэ, Күүкэй уонна ыраах Куокуну бөһүөлэктэриттэн барыта 45 эдэр ориентировщик үс бөлөҕүнэн биирдиилээн бастыыр иһин куоталастылар.

Дьиэ иһигэр ыытыллар спортивнай ориентирование сүрүн сыала – спорт бу көрүҥүн киэҥ эйгэҕэ тарҕатыы, чөл олоҕу пропагандалааһын. Спорт бу көрүҥэ түргэн-тарҕан буолууну, толкуйу эрэйэр, бу көрүҥү саахымат оонньуутун кытта тэҥнииллэр. Оҕолор каартанан бэриллибит туочукалары сөпкө уонна түргэнник булуохтаахтар. Күрэхтэһиигэ СӨ Спортивнай ориентированиеҕа федерациятын чилиэнэ, Куокуну оскуолатын географияҕа учуутала Сардаана Егоровна Федорова кылаабынай судьуйанан үлэлээтэ.

Күрэх түмүгүнэн кыайыылаахтар

Кыргыттарга:

5-6 кылаастар

1 миэстэ –Аурика Фокинова, Кутана;

2 миэстэ –Лилиана Алексеева, Күүкэй.

7-8 кылаастар

1 миэстэ – Юлиана Семенова, Кутана;

2 миэстэ – Анастасия Яковлева, Куокуну;

3 миэстэ –Сандаара Иванова, Кутана.

9-10 кылаастар

1 миэстэ – Сулустаана Федорова, Күүкэй;

2 миэстэ – Сахая Генерова, Куокуну;

3 миэстэ – Татьяна Ефимова, Сиэйэ.

Уолаттарга:

5-6 кылаастар

1 миэстэ – Андрей Бабкин, Куокуну;

2 миэстэ – Ян Федотов, Күүкэй;

3 миэстэ – Федя Алексеев, Күүкэй.

7-8 кылаастар

1 миэстэ – Дьулустаан Сидоров, Күүкэй;

2 миэстэ – Дьулустаан Яковлев, Куокуну;

3 миэстэ –Юлиан Павлов, Сиэйэ.

9-10 кылаастар

1 миэстэ – Рудольф Попов, Күүкэй;

2 миэстэ – Вова Максимов, Кутана;

3 миэстэ – Айхал Хорунов, Сиэйэ.

Оҕолор маннык күрэҕи олус сэргээтилэр, онон кулун тутар ыйга улууска ыытыллар күрэххэ бэлэммит дэстилэр.

Тэрээһин быыһыгар музей көрдөрүлүннэ, аралдьытар интеллектуальнай оонньуулар ыытылыннылар. Оскуолалар хамаандаларыгар «Полоса препятствий» эстафета буолла. Манна Куокуну уонна Күүкэй холбоһуктаах хамаандата иннин кимиэхэ да биэрбэтэ. 2-с миэстэни – Кутана, 3-һү Күүкэй хамаандалара ыллылар.

Бу сонун күрэҕи билиҥҥи география учуутала Олимпиада Андреевна Федорова уонна Күүкэй оскуолатын кэлэктиибэ көҕүлээн, географ учуутал Анатолий Константинович Акимовка ытыктабыл, үйэтитии кыымын сахтылар.

 

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...
Олоҥхо ыһыаҕар анаан Дьокуускайтан айанныыр паром ахсаана элбэтиллэр
Сонуннар | 14.06.2024 | 10:17
Олоҥхо ыһыаҕар анаан Дьокуускайтан айанныыр паром ахсаана элбэтиллэр
XVII-с өрөспүүбүлүкэтээҕи Олоҥхо ыһыаҕа быйыл бэс ыйын 20-21 күннэригэр Аммаҕа Муона чараҥа айылҕа маанылаах миэстэтигэр ыытыллаары турар.  Ыһыах мааны ыалдьыттарынан өрөспүүбүлүкэ 32 муниципальнай тэриллиититтэн 15 тыһыынчаттан тахса киһи буолуоҕа. Айанньыттарга анаан «Дьокуускай – Аллараа Бэстээх» хайысханан 15 паром сылдьыаҕа, Амма сэлиэнньэтин иһинэн оптуобустар, ыһыах түһүлгэтигэр тиэрдэр шатллар сүүрүөхтэрэ. Түһүлгэҕэ 3...