07.06.2022 | 16:00

«Уотунан оонньооччулар» эппиэтинэстэрэ улаатар

«Уотунан оонньооччулар» эппиэтинэстэрэ улаатар
Ааптар: Киин Куорат

2022 сыл бэс ыйын 8 күнүттэн баһаартан сэрэхтээх буолуу ирдэбиллэрин кэһии административнай эппиэтинэһэ күүһүрдүллэр. Арассыыйа бэрэсидьиэнэ Владимир Путин «О внесении изменений в Кодекс Российской Федерации об административных правонарушениях» Федеральнай сокуоҥҥа илии баттаата диэн иһитиннэрдэ Дьокуускай куорат прокуратурата.  
Ойуурга баһаартан сэрэхтээх буолуу быраабылаларын кэһии иһин ыстарааптар кээмэйдэрэ лаппа улаатта (РФ КоАП 8.32 ыст.).
Итиннэ туһуламмыт 2022 сыл ыам ыйын 28 күнүнээҕи 141-ФЗ №-дээх «О внесении изменений в Кодекс Российской Федерации об административных правонарушениях» Федеральнай сокуон 2022 сыл бэс ыйын 8 күнүттэн олоххо киирэр. 
Холобур, хаппыт маһы, оту уонна да атын матырыйааллары ойуурга баһаартан сэрэхтээх буолуу быраабылаларын кэһэн туран, ойуур таһынааҕы уонна 0,5 м кэтиттээх минерализованнай балаһата суох сир учаастактарыгар уматыы иһин гражданнарга 40 тыһ.солк., дуоһунастаах сирэйдэргэ 60 тыһ.солк., тэрилтэлэргэ – 500 тыһыынча солкуобайга тиийэ ыстараап  көрүллэр. 
Ураты баһаартан сэрэхтээх буолуу уонна ыксаллаах быһыы-майгы эрэсиимин  усулуобуйатыгар ыстараап суумата гражданнарга 50 тыһ. солк., дуоһунастаах сирэйдэргэ 90 тыһ. солк., тэрилтэлэргэ – 1 мөл. солкуобайга тиийэр.
Быраабыланы кэһии ойуур баһаарыгар тиэрдибит буоллаҕына (киһи эмсэҕэлээбэтэх, холуобунай дьыала чинчитэ суох түбэлтэҕэ) ыстараап гражданнарга 60 тыһ. солк., дуоһунастаах сирэйдэргэ 110 тыһ. солк., оттон тэрилтэлэргэ – 2 мөл. солкуобайга тиийэр (РФ КоАП 8.32 ыст.).
Баһаартан сэрэхтээх буолуу ирдэбиллэрин кэһии иһин эппиэтинэс кытаатта (РФ КоАП 20.4 ыст.). Ол курдук, баһаар төрүөтэ буолбут уонна дьон баайыгар-дуолугар хоромньуну, киһи доруобуйатыгар эмсэҕэлээһини таһаарбыт быраабыланы кэһии түбэлтэтигэр гражданнарга 50 тыһ. солк., дуоһунастаах сирэйдэргэ уонна предпринимателлэргэ 100 тыһ. солк., тэрилтэлэргэ 800 тыһ. солкуобайга тиийэ ыстараап көрүллэр (эбэтэр 30 сууккаҕа диэри үлэлэрэ тохтотуллар).
Баһаарынай ирдэбиллэри кэһии түмүгэр баһаар үөскээбит уонна киһи доруобуйатыгар улахан охсууну ылбыт (эбэтэр өлбүт) буоллаҕына, юридическэй сирэйдэргэ ыстараап 2 мөлүйүөн солкуобайга тиийэр (эбэтэр 90 сууккаҕа диэри үлэлэрэ тохтотуллар).

Сонуннар

Ордук ааҕаллар

Ыһыах оптуобустарын сырыылара
Сонуннар | 22.06.2022 | 19:00
Ыһыах оптуобустарын сырыылара
Автовокзалтан хоҥнор оптуобустар: Автовокзал — Цииркэ — Сельхозтехникум — Акварель —Кулаковскай аат. култуура дьиэтэ — Банковскай — Архыып — ЯКСМК — Якутская — Столичнай ырыынак — Кольцевой — Гараастар — Севастопольскай — Новопортовской — Гагарин скверэ — «Белое озеро» ырыынак — Полиция 3-с отдела — Пост ГАИ — Таһаҕас тиэйэр...
Ойуур кыыллара киһиэхэ тахсаллара элбээтэ
Сонуннар | 14.06.2022 | 11:44
Ойуур кыыллара киһиэхэ тахсаллара элбээтэ
Саһыллар, эһэлэр ас көрдөөн айан суолларыгар икки атахтаахха бэйэлэринэн тахсаллара үксээбитин айылҕа харыстабылын үлэһиттэрэ иһитиннэрэллэр. Киһи айылҕа кыылын уун утары көрсөр түгэнигэр тугу гыныахтааҕый?   СӨ Быыһыыр сулууспата иһитиннэрбитинэн, дьиикэй кыылы көрсүүгэ хас да быраабыланы тутуһуохтаахпыт. Ол курдук, бастатан туран балаһыанньаны, тирээн кэлбит түгэни сөпкө сыаналыахха наада. Ойуур кыыллара киһи элбэхтэ...
БКЭ-ни 100 баалга туттарбыт оҕо ахсаана эбилиннэ
Сонуннар | 15.06.2022 | 19:43
БКЭ-ни 100 баалга туттарбыт оҕо ахсаана эбилиннэ
Биир кэлим эксээмэни нуучча тылыгар 100 баалга суруйбут оҕолор ааттара билиннэ: - Красиков Виталий, Элдьикээн орто оскуолата, Уус Майа; - Василения Иван, 26 №-дээх оскуола, Мииринэй; - Жукова Екатерина, Политехническай лицей, Мииринэй; - Сулайманов Биймырза, 12 №-дээх оскуола, Мииринэй; - Новогодина Анжелика, 5 №-дээх оскуола, Дьокуускай; - Иванова Даяна, Өрөспүүбүлүкэтээҕи...