Уопсай хомуур туһунан информация – сымыйа сурах
Бүгүн, алтынньы 11 күнүгэр, брифиҥҥэ Саха сирин байыаннай комиссара Александр Авдонин быстах байыаннай хомуур хаамыытын туһунан сырдатта диэн иһитиннэрдэ Саха Өрөспүүбүлүкэтин Баһылыгын уонна Бырабыыталыстыбатын пресс-сулууспата.
«Уопсай хомуур туһунан информация – сымыйа сурах. Билиҥҥи кэмҥэ уопсай хомуур былааннаммат. Бүгүҥҥү күҥҥэ Арассыыйа Бэрэсидьиэнэ биллэрбит быстах хомуура ыытылла турар. Мобилизацияланар дьон ахсаанын элбэтии эмиэ былааҥҥа суох», - диэн быһаарда Александр Авдонин.
Саха сирин военкома байыаннай чаастарга сулууспаны ааһарга сөптөөх бары усулуобуйалар тэриллибиттэрин бэлиэтээтэ.
«Туох баар сөптөөх усулуобуйа тэрилиннэ. Ыҥырыллыбыт дьон таҥаһынан-сабынан, экипировканан, сэрии сэбинэн толору хааччылыннылар. Саха сириттэн тиийбит уолаттар туруктара өрө көтөҕүллүүлээх», - диэн иһитиннэрдэ өрөспүүбүлүкэ военкома.
Сонуннар
Ордук ааҕаллар
