17.05.2021 | 21:38

Уопсастыбаннай тырааныспарга ирдэбил кытаатар

Куорат баһылыга Евгений Григорьев сорудаҕынан административнай хамыыһыйа оптуобустар санитарнай туруктарын бэрэбиэркэлиир.
Уопсастыбаннай тырааныспарга ирдэбил кытаатар
Ааптар: Киин Куорат

Ыам ыйын 17 күнүгэр күнүскү рейдэ кэмигэр анал бөлөх 20 №-дээх маршрут түөрт оптуобуһун уонна 1 №-дээх маршрут биир оптуобуһун көрдө-иһиттэ. Онтон  20 №-дээх маршрут үс оптуобуһугар кэһии баара бэлиэтэммит, салоҥҥа дезинфекция ыытыллыбатах, сууйуу-сотуу туһунан сурунаал суох эбит. Ол түмүгэр аакта толоруллубут. Биир оптуобус суоппара мааската суох тутуллубут, эмиэ аакта оҥоһуллубут.  

Ыам ыйын 14 күнүгэр 10 кэһии бэлиэтэммит, биир суоппар мааската суох олорон тутуллубут – боротокуол толоруллубут. Административнай хамыыһыйа  4, 20, 109, 104, 7, 19, 102 №-дээх оптуобустары бэрэбиэркэлээбит.

“Биһиги оптуобустарбыт санитарнай ыраастааһыннара куһаҕаннык ыытыллыбыт. Билигин хонтуруоллуур-бэрэбиэркэлиир сулууспа нөҥүө оптуобустар санитарнай туруктарын хонтуруоллаатыбыт”, – диэтэ «ЯПАК» тэрилтэ дириэктэрэ Валерий Домотов.

«100 оптуобуһу бэрэбиэркэлээтибит, ол түмүгэр 87-тэ сөп соҕус туруктаах, 13-һэ – соччото суох. Суоппардары кытта профилактическай кэпсэтии ыытылынна, маршруттар дириэктэрдэригэр биллэрдибит”, – диэн кэпсээтэ «СоюзАвто» тэрилтэ дириэктэрэ Андрей Косицкай. 

Евгений Григорьев куорат административнай хамыыһыйата уопсастыбаннай тырааныспар санитарнай туругун нэдиэлэҕэ 2-3-тэ бэрэбиэркэлииригэр соруйда.    

«Куорат 18 маршрутугар уонна кытыы нэһилиэктэргэ сылдьар «ЯПАК» тэрилтэ оптуобустарыгар ыраастааһын үлэтэ мэлдьи ыытыллыахтаах. Ыстараабынан эрэ хааччахтаммакка, предпринимателлэргэ тустаах боротокуолу толорон иһиэххэ наада. Ол эрээри биһиги ыстараап эрэ суруйар санаабыт суох, сүрүн сыалбыт-сорукпут – оптуобустарга санитарнай ыраастааһын мэлдьи ыытылларын ситиһии», – диэн тоһоҕолоон эттэ Евгений Григорьев.

Андрей Косицкай оптуобус тиһэх тохтобулларыгар суоппардарга вакцинация пууннарын тэрийэри туруоруста. Кини бу этиитэ Доруобуйа харыстабылын министиэристибэтигэр ыытыллыаҕа.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.