Уопсастыбаннай тырааныспар реформата саҕаланна

Быйыл муниципальнай бүддьүөттэн оптуобус саҥа маршруттарын оҥорор сыаллаах научнай-чинчийэр үлэни ыытарга үп көрүллүөҕэ. Уопсастыбаннай тырааныспар реформата ыытыллыахтааҕын туһунан «Арассыыйа 24» телевизионнай ханаал быһа эфиригэр куорат баһылыга Евгений Григорьев иһитиннэрдэ. 
Куорат баһылыга бэлиэтээбитинэн, уопсастыбаннай тырааныспар улахан реформата номнуо саҕаланна – Саха Өрөспүүбүлүкэтин Баһылыгын уонна Бырабыыталыстыбатын өйөбүллэринэн киин куорат оптуобустарын паарката 100 оптуоһунан саҥардыллар. 
«Куорат олохтоохторун үгүс өттө билэллэр, саҥа оптуобустар сорохторо номнуо кэллэ. Кинилэри «ЯПАК» муниципальнай тэрилтэ үлэлэтиэҕэ. Куорат кытыытыгар сүүрэллэрин таһынан, ити тэрилтэ оптуобустара куорат иһинээҕи маршруттарга эмиэ үлэлиэхтэрэ», - диэтэ Евгений Григорьев. Санатан эттэххэ, куорат иһигэр 108-с №-дээх маршрутунан муниципальнай оптуобустар сылдьан саҕалаатылар. 
«Итини таһынан, бырайыаһы тута харчыта суох (безналичная оплата) төлөөһүнү киллэрэри былаанныыбыт, киһи биирдэ төлөөт атын оптуобустарга көһөн 60 эбэтэр 90 мүнүүтэ айанныыр кыахтанар», - диэн бэлиэтээтэ Евгений Григорьев.
Аныгы технологиялар көмөлөрүнэн төһө киһи айанныырын, куорат оптуобустара төһө толоруларын учуоттуохха сөп. Оччотугар маршруттарга ноҕурууска хайдаҕа көстөн кэлэр.