01.08.2022 | 16:01

Уопсастыбаннай суолталаах тэрээһиннэр күрэхтэригэр кыттыҥ

Уопсастыбаннай суолталаах тэрээһиннэр күрэхтэригэр кыттыҥ
Ааптар: Киин Куорат
Бөлөххө киир

Киин куоракка уопсастыбаннай суолталаах тэрээһиннэри олоххо киллэрии күрэҕэр кыттыан баҕалаахтартан сайаапкалары хомуйуу салҕанар. Бу туһунан Олохтоох дьаһалта Уопсастыбаннай сибээстэргэ уонна ыччат бэлиитикэтигэр управлениета иһитиннэрдэ. 
Олохтоох дьаһалта Уопсастыбаннай сибээстэргэ уонна ыччат бэлиитикэтигэр управлениетын информациятынан, Дьокуускай куорат территориятыгар уопсастыбаннай суолталаах тэрээһиннэри олоххо киллэрэр кэмиэрсийэтэ суох тэрилтэлэр ортолоругар, муниципальнай өйөбүл быһыытынан, олохтоох бүддьүөттэн оҥоһуллар субсидияҕа сайаапкалары хомуйуу салҕанар. Сайаапкалары бу сыл от ыйын 18 күнүттэн атырдьах ыйын 18 күнүгэр диэри (ити күнү киллэрэн туран) туталлар. 
Куонкурус хайысхалара:
- олохтоох бэйэни салайыныы уорганнарын үлэлэригэр гражданнар уонна холбоһуктар кытталларын көҕүлээһин;
- гражданскай уопсастыба институтун уонна үөрэҕириитин систиэмэтин сайыннарыы; 
-култуурунай, духуобунай, сиэр-майгы өттүнэн уонна патриотическай иитиини сайыннарыы.
Субсидиянан туһанааччылары сүүмэрдээһин критерийдэрэ:
- кэмиэрсийэтэ суох тэрилтэ үлэтин кытта тэрээһин сыалын-соругун сөп түбэһиитэ;
- бырайыакка куорат уокуругун нэһилиэнньэтин уонна тэрилтэлэрин кыттыыта;
- тэрээһин олоххо киириитин киэҥник сырдатыы (ТВ, араадьыйа, интэриниэт, хаһыат нөҥүө);
- ороскуот сметатыгар сөп түбэһэр тэрээһин уопсай үбүлээһинэ;

- ороскуот сметатыгар сөп түбэһэр ирдэнэр сириэстибэлэр төрүөттэрэ, олоҕуруулара;
- субсияданан үбүлэммит бырайыак социальнай суолтата, түмүгэ;
- куорат территориятыгар уопсастыбаннай тэрээһиннэри ыытыы уопута;
Сайабылыанньа биэрэр кэмиэрсийэтэ суох тэрилтэ судаарыстыбаннай регистрациялаах уонна иэһэ суох, ыһыллар куттала суох буолуохтаах. 
Куонкуруска кыттыан баҕалаахтартан сайаапкалары уонна докумуоннары Олохтоох дьаһалта Уопсастыбаннай сибээстэргэ уонна ыччат бэлиитикэтигэр управлениетыгар туталлар, аадырыһа: Дьокуускай куорат, Ленин проспега, 15, 423 кэбиниэт. Итиэннэ сайаапкалары бастакы этээскэ туруоруллубут анал дьааһыкка угуохха сөп. 
Үлэ чааһа: үлэ күннэригэр 8.30 чаастан 17.30 чааска диэри, эбиэт 12.30 чаастан 14.00 диэри.
Эбии информацияны 40-80-36 төлөпүөнүнэн эбэтэр grant_yakutsk@mail.ru почтаҕа суруйан чуолкайдаһыахха сөп.

Сонуннар

Ордук ааҕаллар

Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.
Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...