Уопсастыбаннай көҕүлээһиннэр күрэхтэрэ ыытыллар

СӨ Ыччатын уонна социальнай коммуникацияларын министиэристибэтэ, “Анаабыр Алмаастара” Акционернай уопсастыба уонна СӨ Көлүөнэлэрин тус сыаллаах пуондаларын өйөбүлүнэн, улуустар уонна куораттар икки ардыларыгар “Аҕа дойду сэриитигэр Улуу Кыайыы 75 сылын көрсө бастыҥ уопсастыбаннай көҕүлээһиннэр” диэн күрэҕи биллэрэр. Куонкурус Арассыыйаҕа Албан аат уонна Саха сиригэр Патриотизм сылыгар ананар.

Буолар болдьоҕо:

Муус устар 20-28 күннэригэр – сайаапкаары тутуу.

Муус устар 28-30 күннэригэр – кыттыылаахтар испииһэктэрин таҥыы.

Ыам ыйын 1-7 күннэригэр – онлайн-куоластааһын.

Ыам ыйын 8 күнэ – түмүгү таһаарыы.

Куоластааһын NKO_YAKUTII  Instagram страницаҕа ыытыллар.

Куонкурус икки номинацияҕа кыайыылааҕы быһаарар: 1.    «Историческай өйдөбүлү үйэтитэр бастыҥ көҕүлээһин»; 2.    «Патриотическай иитиигэ бастыҥ көҕүлээһин». 

Кытталлар – муниципальнай оройуоннар, куораттар администрациялара. Икки номинацияҕа 2-тэн элбэх сайаапканы түһэрбэттэр. Бырайыактар барыта NKO_YAKUTII  Instagram страницаҕа тахсаллар. Куоластааһын “+1” туруоруунан ааҕыллар. Элбэх “+1” комментарийы ылбыт бырайыак кыайыылаах тахсар.

Уопсастыбаннай көҕүлээһининэн Кыайыы 75 сылын көрсө ыытыллыбыт бырайыактар буолаллар.

Кыайыылаахтар “Анаабыр Алмаастара” Акционернай уопсастыба уонна СӨ Көлүөнэлэрин тус сыаллаах пуондаларын бириистэрин ылаллар. Күрэх быраабылаларын сиһилии NKO_YAKUTII  Instagram страницаҕа көрүөххэ сөп.

Билсэр төлөпүөҥҥүт: 8 411(2)507-123