Уокуруктааҕы дьаһалтаҕа саҥа анааһыннар

Василий Смолин Дьокуускай куорат Уокуруктааҕы дьаһалтатын олох-дьаһах коммунальнай хаһаайыстыбатыгар уонна энергетикатыгар Департаменын начаалынньыгынан ананна. 
Василий Васильевич Смолин 1981 сыллаахха Иркутскай куоракка төрөөбүт. 2006 сыллаахха Дьокуускайдааҕы судаарыстыбаннай тыа хаһаайыстыбатын академиятын «Инженер» квалификациялаах, «Технология обслуживания и ремонта машин в агропромышленном комплексе» идэлээх үөрэнэн бүтэрбит.
Үлэтин 2001 сыллаахха Үөһээ Бүлүү сэлиэнньэтигэр «Үөһээ Бүлүүтээҕи  олох-дьаһах коммунальнай хаһаайыстыбатын управлениета» МТ хочуолунайын операторынан саҕалаабыт. 
2006-2007 сс. – «СӨ ОДьКХ» ГУТ Үөһээ Бүлүүтээҕи филиалын инженерэ.
2007-2011 сс. - «СӨ ОДьКХ» ГУТ «Коммунтеплосбыт» филиалын Үөһээ Бүлүүтээҕи учаастагын начаалынньыгын солбуйааччы. 
2011-2021 сс. - «СӨ ОДьКХ» ГУТ Үөһээ Бүлүүтээҕи филиалын кылаабынай инженерэ, дириэктэрэ.
*
Николай Егоров Дьокуускай куорат Уокуруктааҕы дьаһалтатын «Гражданскай оборонаҕа, нэһилиэнньэни уонна территориялары айылҕа уонна техногеннай көрүҥнээх ыксаллаах быһыыттан-майгыттан көмүскүүр, баһаартан куттал суоһаабатын хааччыйар управлениета» МКТ начаалынньыгынан ананна. 
Николай Антонович Егоров 1975 сыллаахха төрөөбүт. 1998 сыллаахха Дьокуускайдааҕы судаарыстыбаннай тыа хаһаайыстыбатын академиятын «Экономист» квалификациялаах, «Бухгалтерский учет и аудит» идэлээх үөрэнэн бүтэрбит.
2004 сыллаахха Уһук Илиҥҥи судаарыстыбаннай сулууспа академиятын «Государственное муниципальное управление» идэлээх, «Менеджер» квалификациялаах үөрэнэн бүтэрбит.
Үлэтин 1998 сыллаахха «Айан» МЖКХ МРК ТС экономиһынан саҕалаабыт. 
2001-2002 сс. – «Социальнай-реабилитационнай Киин» ИАС ГТ дириэктэрэ.
2002-2005 сс. – СӨ үпкэ Министиэристибэтин кылаабынай специалиһа.
2005-2008 сс. – СӨ үпкэ Министиэристибэтин Муома оройуонунааҕы ФКУ начаалынньыга.
2008-2009 сс. – «СӨ ОДьКХ» ГУТ плановай-экономическэй управлениетын начаалынньыга.
2009 с. - «Якутоптторг» ААУо үпкэ салаатын начаалынньыга.
2009-2012 сс. – Ил Түмэн Судаарыстыбаннай Мунньаҕын Хонтуруоллуур кэмитиэтин инспектора. 
2013-2018 сс. – Госкомобеспечение Департаменын кылаабынай специалиһа, салайааччыта. 
2018-2021 сс. – «СӨ баһаары утары Судаарыстыбаннай сулууспатын» начаалынньыгын солбуйааччы.