Уокуруктааҕы дьаһалтаҕа саҥа анааһын

Антон Алексеенко куорат баһылыгын тыа хаһаайыстыбатын сайдыытыгар, атыыга-эргиэҥҥэ, предпринимательствоҕа уонна тырааныспарга солбуйааччытынан ананна. Ол туһунан нэдиэлэтээҕи планеркаҕа куорат баһылыга  Евгений Григорьев иһитиннэрдэ. 
Антон Анатольевич Алексеенко 1987 сыллаахха Дьокуускай куоракка төрөөбүт.
2009 сыллаахха М.К.Аммосов аатынан Саха государственнай университетын «Промышленнай уонна гражданскай тутуу» хайысхатын «Инженер» квалификациялаах үөрэнэн бүтэрбит.
Үлэтин 2004 сыллаахха саҕалаабыт. Идэтинэн «ЯКСМК» ААУо, «Мостостроитель» ХЭТ, «Якутпромстройпроект» САУо, М.К.Аммосов аатынан СГУ Инженернай-техническэй факультетын тутуу конструкцияларын уонна бырайыактарын кафедратыгар араас дуоһунаска үлэлээбит. 
Саҥа анааһын иннинэ Антон Алексеенко «Контур» ХЭТ техническэй дириэктэринэн үлэлээбит.