«Удьуор утумун тилиннэрэн» быыстапка-дьаарбаҥка үлэтин саҕалаата

Киин куорат  А.Е. Кулаковскай-Өксөкүлээх Өлөксөй аатынан норуоттар доҕордоһууларын Дьиэтин национальнай култуура галереятыгар 2021 сыл от ыйын 1-20 күннэригэр  «Удьуор утумун тилиннэрэн» диэн маска быһан оҥорууга быыстапка-дьаарбаҥка ыытыллар. 
Бу тэрээһини «Симэх» прикладной искусство уонна уус-уран оҥоһуктар национальнай кииннэрэ ыытар. Күрэххэ баҕалаах дьон (саҥа саҕалаабыттар, 14 саастарыттан үөһээ оскуола оҕолоро, устудьуоннар, норуот маастардара, тэрилтэлэр) сааһыттан тутулуга суох быыстапка-дьаарбаҥкаҕа кытталлар.  
Тэрээһин чэрчитинэн маастар-кылаастар, лекциялар, дьарыктар, оҥоһуктары атыылааһын ыытыллар. Быыстапка-дьаарбаҥкаҕа кэлэн үөрэниэххэ, уопут атастаһыахха сөп. Тэрээһин сүрүн сыала – эдэр талааннары арыйыы, маастардар уопуттарын үллэһиннэрии уонна оҥоһуктарын киэҥ араҥаҕа, ону сэргэ атыыга таһаарыы буолар.