«Уһуйааччы уонна үөрэнээччи быстыспат ситимэ» быыстапка сэҥээрээччилэри күүтэр

Саха сирин норуоттарын муусукатын уонна фольклорун түмэлигэр, ахсынньы 6-18 күннэригэр «Уһуйааччы уонна үөрэнээччи быстыспат ситимэ» диэн Арассыыйа уонна Саха Өрөспүүбүлүкэтин норуотун маастара Дария Семеновна Козлова уонна кини үөрэнээччилэрин быыстапката үлэлиэҕэ. 

Быыстапкаҕа Дария Козлова иистэнньэҥнэри уһуйар «Кырадаһын абылаҥа» түмсүүтүн үлэлэрэ туруохтара: дьиэҕэ-уокка киэргэл быһыытынан туттуллар паннолар, көбүөрдэр, сабыылар, күннэтэ кэтиллэр таҥас-сап, суумкалар, хаппардар, саха дьахтара мааныга кэтэр аныгылыы истииллээх кытыылаах сонун кэмпилиэгэ, тымныыттан харыстыыр хаттык таҥастар, киэргэл быһыытынан эркиҥҥэ ыйанар чаппараахтар уо.д.а.

Маны сэргэ, кырадаһынтан кыбытан-аттаран тигии ньымаларын кытта билиһиннэрэр, сүбэ-ама биэрэр, саҥаны айар-тутар санааҕа кынаттыыр, көҕүлүүр маастар-кылаастар буолуохтара.

Күнэ-дьыла: ахсынньы 6-18 күннэригэр

Буолар сирэ: Саха сирин норуоттарын муусукатын уонна фольклорун түмэлэ, Киров уул., 31, 3-с этээс.

Билсэр нүөмэргит: 35-38-84