Уһун өрөбүллэргэ санитарнай миэрэлэри тутуһуу бэрэбиэркэлэрэ күүһүрүөхтэрэ

Киин куоракка санитарнай ирдэбиллэри уонна QR-кодунан киллэриини, ону таһынан түүҥҥү кулууптарга уонна уопсастыбаннай аһылык тэрилтэлэригэр үлэ эрэсиимин тутуһууну хонтуруоллааһын салҕанар. Кэлэр өрөбүллэргэ уонна бырааһынньык күннэригэр куораттааҕы Суһал штаб быраабы араҥаччылыыр уорганнары кытта эриэйдэлэрин күүһүрдүллүбүт эрэсииминэн ыытыахтара. Ол туһунан Олохтоох дьаһалта пресс-сулууспата иһитиннэрдэ.
Ахсынньы 27 күнүгэр упраавалар исписэлиистэрэ уонна Олохтоох дьаһалта Суһал штабын холбоһуктаах бөлөхтөрө 37 эбийиэги, ол иһигэр 7 итирдэр утаҕы атыылыыр сирдэри уонна кууһунан атыылыыр баазаны бэрэбиэркэлээтилэр. 
Строительнай уокурукка 5 кэһии тахсыбыта билиннэ, 10 сэрэтэр бэсиэдэ ыытылынна. РФ КоАП 20.6.1 ыстатыйатынан 1 боротокуол оҥоһулунна уонна Гражданскай оборона уонна ыксаллаах быһыы-майгы Управлениетыгар ыытылынна, онтон салгыы суукка барыахтаах. 
2021 сыл устата Гражданскай оборона уонна ыксаллаах быһыы-майгы Управлениета РФ КоАП 20.6.1 ыстатыйатынан барыта 112 боротокуолу ыыппыт, бүгүҥҥү күҥҥэ итинтэн 85 дьыала суукка көрүлүннэ, 30 тыһ. 500 тыһ. солк. диэри ыстараап төлөнөр буолла. Хаалбыт боротокуоллар салгыы көрүллүөхтээхтэр.