Уһун өрөбүллэргэ почта салааларын үлэтэ уларыйыа

Ахсынньы 31 күнүгэр Саха сиринээҕи почта салааларын үлэлэрэ биир чааһынан эрдэ бүтэр диэн хампаанньа пресс-сулууспата иһитиннэрдэ. Почта салаалара тохсунньу 1, 2 уонна 7 күннэригэр үлэлээбэттэр.

Бу күннэргэ почтальоннар сурутууну таспаттар, биэнсийэни уонна босуобуйаны Биэнсийэ пуондатын регионнааҕы салаатын графигын быһыытынан тарҕатыахтара.

Тохсунньу 3, 4, 5, 6, 8 уонна 9 күннэригэр почта салаалара урукку эрэсиимнэринэн үлэлиэхтэрэ.

Тыа сирин сорох салаалара, клиеннэр биэнсийэлэрин уонна босуобуйаларын харгыһа суох ылалларын курдук, атын графигынан үлэлиэхтэрин сөп.

Чугаһынааҕы почта салаата хайдах графигынан үлэлиирин чуолкайдаһарга pochta.ru сайтка киирэн эбэтэр хампаанньа мобильнай сыһыарыытыгар көрүөххэ сөп.