Уһун өрөбүллэргэ 123 итирик суоппар тутулунна

ГИБДД сотрудниктарын эриэйдэлэрин түмүгүнэн, тохсунньу 1-9 күннэригэр 123 итирик суоппар тутулунна, итинтэн 15-һэ урут эмиэ уруулга итирик олорон түбэспит дьон. Бу туһунан регионнааҕы ГИБДД Управлениетын пресс-сулууспата иһитиннэрдэ. 
РФ ХК олоҕуран, тырааныспары итирик туруктах ыытыы иһин 30 тыһыынча солкуобай ыстараап уонна сыл аҥаара-икки сыл быраабы быһыы көрүллэр. Медицинскэй көрүүттэн ааккастаннахха эмиэ итинник санкция күүтэр. Хаһыс да төгүлүн хатыланар кэһии түбэлтэтигэр 300 тыһыынча солкуобайга диэри ыстараап, 480 чааска диэри булгуччу үлэлээһин, икки сылга диэри күһэлэҥ үлэ уонна көҥүлү быһыы көрүллэр. 
Саха сиригэр бырааһынньык күннэригэр 12 суол саахала тахсыбыт, итинтэн иккитэ киһи өлүүлээх, 17 эчэйиилээх, ол иһигэр биэһэ – оҕо. Эриэйдэлэр түмүктэринэн 4 047 административнай быраабы кэһии регистрацияламмыт, 30 суоппар медицинскэй көрүүттэн аккаастаммыт, 181 киһи тырааныспары ыытар бырааба суох сылдьыбыт.
ГИБДД Саха сирин олохтоохторун итирик суоппардар тустарынан маннык нүөмэрдэринэн биллэрэллэригэр көрдөһөр: 02 (102 мобильнайтан), 127, 8(4112) 473-569, 8(4112) 352-222.