Тымныы оҕонньорго суруйуу саҕаланна

Почта хас биирдии суругу кичэллээхтик тиэрдиэҕэ. Бары салааларга уонна логистическай кииннэргэ үлэлиир сотрудниктар Тымныы оҕонньор ханна олорорун билэллэр. Ахсынньы ый устата, күн аайы, кинилэр саҥа дьыллааҕа почтаны наардыахтара уонна аптаах кырдьаҕас резиденциятыгар ыытыахтара. Былырыын, 2022 сылга, Улуу Устюг куоракка Арассыыйа Почтата оҕолор уонна улахан дьон ыра санааларын тиспит 150 000 кэриҥэ суруктарын тириэрдибитэ.

Тымныы оҕонньор резиденциятын почтовай аадырыһа: 162390, Вологодскай уобалас, Улуу Устюг куорат, Тымныы оҕонньорго.

Суругу ыытар оҕоҕо көмө наада буоллаҕына, почта үлэһиттэрэ сурук аадырыһын хайдах суруйарга, маарканы сыһыарарга үөрэтиэхтэрэ. Итини сэргэ, Тымныы оҕонньорго суруйарга «Созвездие» библиотекаҕа көмөлөһүөхтэрэ, аадырыһа: Дьокуускай куорат, Мординов уул., 21/1.

Саха Өрөспүүбүлүкэтигэр саҥа дьыллааҕы почтовай дьааһыктар маннык салааларга тураллар:

677000 Дьокуускай куорат, Дзержинскэй уул., 4;

678200 Бүлүү куорат, Ленин уул., 47;

678230 Үөһээ Бүлүү сэл., Герой Васильев уул., 9;

678450 Ньурба куорат, Христофор Максимов уул., 13.