Тымныы Оҕонньорго баҕа санааларбытын суруйабыт

100-чэ саҥа дьыллааҕы почта дьааһыктара Арассыыйа улахан куораттарыгар тураллар. Аттыларыгар – Тымныы Оҕонньор аадырыһа. Кэмбиэр таһыгар маннык суруллар: 162390, Арассыыйа, Вологодскай уобалас, Великий Устюг куорат, «Тымныы Оҕонньор дьиэтэ».  Итини сэргэ Тымныы Оҕонньор атын регионнарга баар кэллиэгэлэригэр эмиэ суруйуохха сөп, кинилэр ааттара: Урал Моруос, Ямал Ири, Тол Бабай, Хел Мучи, Йушто Кугыза, Чысхаан.

Сурук ыытааччыга көмө наада буоллаҕына, почта үлэһиттэрэ хайдах сөпкө суруйан ыытары ыйан-кэрдэн, маарка сыһыаран биэрэллэр. Саамай сүрүнэ – бэйэ аадырыһын сөпкө суруллуохтаах.

Ахсынньы ый устата почта үлэһиттэрэ саҥа дьыллааҕы суруктары наардаан аадырыстарынан ыыталлар. Былырыын, 2021 сылга, Великий Устюг куоракка Арассыыйа почтата 170 000 кэриҥэ оҕолор уонна улахан дьон сурукка тиспит баҕа санааларын тириэрдибитэ. Итиэннэ тыһыынчанан итинник сурук атын регионнарга барбыттара.