Тыа хаһаайыстыбатын Управлениета баһаары кытта охсуһааччыларга көмө оҥордо

Куорат уокуругун тыа хаһаайыстыбатыгар Управлениета Горнай улууһун баһаарын кытта охсуһааччыларга көмөнү оҥордо. Ол туһунан Управление салайааччыта Николай Степанов иһитиннэрдэ. 
Баһаары умуруора, көмөҕө «Котрус» бааһынай хаһаайыстыбатын булууктаах тыраахтыра барда. «Якутский гормолзавод» ХЭТ баһаары кытта охсуһааччыларга 360 хаалаах үүтү, 660 л ууну ыытта.
«Баҕарах» ХЭТ бородууктанан уонна күннээҕи туттар тэриллэринэн көмөлөстө. Бааһынай хаһаайыстыбалаах ИП Владимир Ким 140 киилэттэн тахса оҕоруот аһын ыытта. 
Бааһынай хаһаайыстыбалаах ИП Алексей Ний  50 кг хаппыыста, оҕурсуу, помидорор, кабачок, пекинскэй хаппыыста, дыня уонна перец ыыппыт. «Саюри» ХЭТ 50 кг оҕурсуу, томат уонна күөх тума (пряности) биэрбит. Бааһынай хаһаайыстыбалаах ИП Гелена Менякова оробуочай көстүүмнэри, респиратордары, бэрчээккилэри тиксэрбит. 
«Итини таһынан киин куорат бааһынай-фермерскэй хаһаайыстыбалара харчынан көмөлөһөллөр. Суһаллык бородууктанан, оҕуруот аһынан, көмүскэнэр көстүүмнэринэн уонна 156 тыһ. тахса солк. харчынан көмө оҥоһулунна », - диир Николай Степанов.