16.12.2021 | 18:00

Тыа хаһаайыстыбатын оҥорон таһаарааччылара эбии 500 мөлүйүөн солкуобайы ылыахтара

Тыа хаһаайыстыбатын оҥорон таһаарааччылара эбии 500 мөлүйүөн солкуобайы ылыахтара
Ааптар: Киин Куорат
Бөлөххө киир

Саха сирин тыатын хаһаайыстыбатын оҥорон таһаарааччыларыгар кэлэр 2022 сылга эбии 500 мөл. солк. ыытыахтара. Бу туһунан Саха сирин парламентарийдарыгар илдьитин тиэрдэригэр регион Баһылыга Айсен Николаев иһитиннэрбит. 
Кини кэпсээбитинэн, кэнники үс сыл тухары тыа сирин олохтоохторун социальнай хантыраагынан өйөбүл үс төгүл улааппыт. Ол курдук, быйыл 500 мөл. солк. көмөнү өрөспүүбүлүкэ үрдүнэн 5 тыһ. тахса дьиэ кэргэн ылбыт. 
«Кэлэр сылга социальнай хантыраактар үбүлээһиннэрин 600 мөл. солк. диэри тиэрдэри уонна кэтэх хаһаайыстыбаны сайыннарыыга көмөнү 200 тыһ. солк. диэри улаатыннарары сорудахтыыбын. Агропромышленнай комплекс өйөбүлүн Пуондатын нөҥүө тыа хаһаайыстыбатын оҥорон таһаарааччыларыгар эбии 500 мөл. солк. ыытыллыаҕа», — диэбит өрөспүүбүлүкэ Баһылыга.
Итини таһынан, өссө 500 мөл. солк. инвестициялыыр сыалга көрүллүбүт: хотоннору, сылгы баазаларын, оҕуруот аһын уурар сирдэрин тутууну субсидиялааһыҥҥа.  
Айсен Николаев бэлиэтээбитинэн, ити сириэстибэлэр саҥа оробуочай миэстэлэри оҥорууга, тыа хаһаайыстыбатын бородууксуйатын кээмэйин улаатыннарыыга туһуланыахтаахтар. Туһаларын үрдэтэр сыаллаах аныгы тыа хаһаайыстыбатын тиэхиньикэтин, технологиялары, сиэмэни, уоҕурдууну кииннэммит көрүҥүнэн атыылаһыы былааннанар, ол иһигэр «Туймаада» агрохолдинг кыаҕын туһанан лизинговай механизмнары.

Сонуннар

Ордук ааҕаллар

Полина Победа:  «Дьоллоох буолуҥ олоххутугар, түүлгүтүгэр»
Дьон | 29.02.2024 | 10:00
Полина Победа: «Дьоллоох буолуҥ олоххутугар, түүлгүтүгэр»
Бүгүҥҥү ыалдьыппын улаханнык билиһиннэрэр да наадата суох буолуо. Кинини, өрөспүүбүлүкэ сахалыы тыллаах олохтоохторо ПОЛИНА ПОБЕДА диэн ааттаах хоһоонньуту, социальнай ситим устун билбиттэрэ ыраатта. Полина Пантелеймоновна Находкина хомоҕой тыллаах хоһоонноро элбэх киһи кутун туталлар, махталын ылаллар. Кини ону таһынан имигэс үҥкүүһүт, шпагат түһэр, араас эрчиллиилэри холкутук оҥорор, төбөтүн оройугар турар –...
Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.
Сүүтүк саҕа сүбэлэр
Тускар туһан | 17.02.2024 | 10:00
Сүүтүк саҕа сүбэлэр
Бүгүҥҥү нүөмэрбэр хаалбыт 25 сүбэни бэчээттиибин. Ааҕан туһаныаххыт диэн эрэнэбин, олоххут куруук күөх хонуунан аастын, күҥҥүт чэмэлийэ тыктын, дьоллоох-соргулаах буолуҥ!