Тыа хаһаайыстыбатын үлэһиттэригэр курортарга сынньалаҥ көрүллэр

Сайаапкалары хаһан туталларый?

Быйылгы сезоҥҥа сынньана барыан баҕалаахтартан номнуо сайаапка тутан эрэллэр.

Сайаапканы тутуу кулун тутар 24 күнүгэр саҕаламмыт уонна ыам ыйын 20 күнүгэр диэри ыытыллар. Бириэмэ өссө баар.

Ханна сынньаныахха сөбүй?

“Сибиир” уонна “Катунь” санаторийдарга сынньаныахха сөп.

Саха сирин санаторийдарыгар кытта сынньаныахха сөп диэн сурах баар, билиҥҥитэ тугунан да бигэргэтиллэ илик.

Сынньалаҥ уһуна 14 күн буолар.

Былырыын 75 чэпчэтиилээх путевка көрүллүбүтэ, быйыл 85 буолбут.

Ороскуоту ким уйунарый?

Сынньалаҥ путевкатын сыанатын 80 бырыһыанын судаарыстыба уйунар. Ордубут 20 бырыһыанын үлэһит бэйэтэ төлүүр.

Путевка сыанатыгар санаторийга олороро, күҥҥэ үстэ аһыыра, эмтэнэр процедуралары ылыыта киирэ сылдьар.

Ханнык докумуоннар наадаларый?

1. Анал киэбинэн толоруллубут сайабылыанньа.

2. Олорор сиргитигэр баар балыыһаттан путевка ыларга булгуччу ирдэнэр 070/у формалаах ыспыраапка.

3. Арассыыйа федерациятын гражданинын пааспара (куоппуйата).

4. Үлэ киниискэтэ (куоппуйата).

Хаһан сынньаныахха сөбүй?

Сынньана барыан баҕалаахтарга барыллааһын график Тыа хаһаайыстыбатын министиэристибэтин официальнай сайтыгар таҕыста: https://minsel.sakha.gov.ru/Gosudarstvennie-uslugi/putevka_san_kurort

Былырыыҥҥы графикка холоотоххо, быйыл кэҥээбит, талан сынньаныахха сөп буолбут. Киирэн үөрэтиҥ, былааннааҥ.

Сайаапканы хайдах ыытабыт?

— Судаарыстыбаннай өҥөлөр саайтарын уонна  “Центр ресурсного обеспечения АПК” порталларын нөҥүө ыытаҕыт.

Сигэлэрэ: http://e-yakutia.ru/

http://apksakha.ru/

— Почтанан сурук курдук ыытыахха сөп. Маныаха докумуон куоппуйата барыта нотариуһунан бигэргэтиллибит буолуохтаах.

— Олорор сиргитинэн Элбэх өҥөнү оҥорор кииҥҥэ (МФЦ) тиийэн ыытыаххытын сөп.

— “Центр ресурсного обеспечения АПК” бэйэҕит тиийэн туттарыаххытын сөп.

Сайабылыанньаҕытыгар, ТХМ саайтыгар баар графикка олоҕуран, бэйэҕит баҕарар болдьоххутун суруйуохтааххыт.

Электроннай почталара: om@apksakha.ru 

Сиһилии билсэр, ыйыталаһар төлөпүөннэр:

- 8(4112) 50-97-49,

- 8 914-820-31-04

Арктическай улуустарга айан ороскуота төннөрүллэр  

Арктика 13 улууһугар киирсэр оройуоннартан сынньанааччылар олорор сирдэриттэн Белокурихаҕа диэри кэлэр-барар айаннарын төлөбүрэ 100 % толуйуллар.

Арктическай улуустарга киирсэллэр: Абый, Аллайыаха, Анаабыр, Булуҥ, Дьааҥы, Үөһээ Халыма, Эдьигээн, Муома, Аллараа Халыма, Өлөөн, Орто Халыма, Усуйаана, Эбээн Бытантай.

Биллэн турар, бастаан бэйэҕит төлөөн айанныыгыт, ол кэнниттэн айан ороскуотун туоһулуур билиэттэргитин (авиа билиэттэргитин, “посадочнай” толуоҥҥутун булгуччу, куораттар, улуустар икки ардыларынааҕы айан билиэттэрин – барытын туттардаххытына) илдьэ, Тыа хаһаайыстыбатын миниистирин аатыгар сайабылыанньа суруйаҕыт, “ЦРО АПК” ГРУ туттараҕыт.

Бааҥҥа баар счеккут реквизиттэрин хайаан да ыйаҕыт.