Тыа хаһаайыстыбатын бородууксуйатын оҥорон таһаарааччылар 110 мэтээлгэ тигистилэр
"Тыа хаһаайыстыбатын бородууксуйатын оҥорон таһаарааччыларбыт билиҥҥитэ 99 кыһыл, 6 үрүҥ көмүс уонна 5 боруонса мэтээллээхтэр. Тыа хаһаайыстыбатыгар инновациялары киллэрии, сүөһү иитиитин уонна үүнээйинэн дьарыгырыы хайысхаларынан куонкурустар түмүктэрин күүтэбит" – диэн иһитиннэрдэ СӨ Тыа хаһаайыстыбатыгар миниистирэ Александр Атласов.
«Дьокуускайдааҕы үүт собуота» ХЭТ «Молочный дождик» 2,5%-наах ультрапастеризованнай үүтүн, «Пошехонский» 45%-наах, «Голландский» 45%-наах уонна «Моццарелла» сыырдарын иһин 4 кыһыл көмүс, «Российский» 45%-наах сыырын иһин боруонса мэтээллээх.
«Дьокуускайдааҕы килиэп кэмбинээтэ» лабыкталаах килиэбин иһин кыһыл көмүс, сакалааттаах мармеладын иһин боруонса мэтээлгэ тигистэ. "Якутский скот" тэрилтэ саха боруодалаах сүөһү этиттэн тоҥоруллубут стейк иһин биир кыһыл көмүс, «ХШАБ» СХПК дөлүһүөннээх «Кучу чэй» уонна симэһинигэр буспут убаһа этин иһин 2 кыһыл көмүс мэтээллээхтэр. «ФАПК «Якутия» АУо гаастаах LIKE «Лимон», LIKE «Кола» уонна «YES» итирдэр састааба суох утахтарын иһин 3 үрүҥ көмүс мэтээллээхтэр.
«Дьокуускайдааҕы көтөр фабриката» АУо 2 кыһыл көмүс мэтээли ылла.
Балык арааһын бэлэмнээн «Якутская рыбная компания» ХЭТ 6, оттон «Ас-Рыба» ХЭТ 5, «Якутские деликатесы» ХЭТ 4 кыһыл көмүс мэтээллээхтэр.
«Тулагытааҕы агрооскуола» СХПК индейкаттан бройлер иһин 10 кыһыл көмүс мэтээллээх.
«Хатастааҕы агробизнес оскуолата» СХПК хонуу мүөтүн иһин боруонса мэтээлгэ тигистэ.
Сонуннар
Ордук ааҕаллар
