08.06.2020 | 18:39

Туймаада Ыһыаҕын онлайн күрэхтэрэ саҕаланнылар

Туймаада Ыһыаҕын онлайн күрэхтэрэ саҕаланнылар
Ааптар: Киин Куорат

Бүгүҥҥүттэн, бэс ыйын 8 күнүттэн, онлайн ыытыллар Туймаада Ыһыаҕын  күрэхтэрэ саҕаланнылар.

“Хомус – дьиэ кэргэн биһигэ”, «Чыыбы-чаабы чабырҕахтар» күрэх кыттааччылара #ХомусЫсыахТуймаады2020 уонна #Чабыр5ахЫсыахТуймаады2020 хештегтэринэн 5 мүнүүтэттэн уһуна суох видео таһаараллар. Маны таһынан, бэс ыйын 19 күнүгэр сарсыарда 8-10 чаас иһигэр 89243641351 (Жиркова Туяра Анатольевна) бассаапка видео ыытыахтарын сөп. Күрэх Хомус музейын @ilkhomus инстаграмыгар ыытыллар.

 «Ыһыаҕым талба таҥаһа - 2020» күрэх #сахатанаьаЫсыахТуймаады2020 хештегтээх @upravlenie_cultury_yakutsk Култуура уонна духуобунай сайдыы управлениетын инстаграмыгар ыытыллар.

 «Сылааһынан угуттуур олбох» күрэх хэштегэ #олбох2020, @sakhalu_tanas инстаграм страницаҕа саҕаланна.

 «Эрэкэ-дьэрэкэ сир симэхтэрэ» оҕо сахалыы таҥаһын күрэҕэ #киэргэ_ысыахтуймаады2020 хэштегинэн “Киэргэ” ХЭТ  @kierge инстаграмыгар буолар.

 «Хабылык, хаамыска – өбүгэм оонньуута» - биирдиилээн уонна хамаанданан күрэстэһии #хабылыкхаамыска  хештегинэн СӨ Остуол оонньууларын федерациятын @fnni_habylyk_haamyska инстаграмыгар ыытыллар.

«Оһуор үнкүүтэ» үҥкүү-челленджкэ #Узорытанец хештегинэн @tsentrkulturyi страницаҕа кыттыһыҥ.

Күрэхтэр түмүктэрин дьүүллүүр сүбэ бэс ыйын 20 күнүгэр таһаарыаҕа. Кыайыылаахтар ааттара бэс ыйын 21 күнүгэр https://www.cultura14.ru/ сайтка тахсыаҕа.

Көрөөччүлэр биһирэбиллэрин кыайыылааҕын лайк ахсаанынан ааҕыллар. Куоластааһын бэс ыйын 19 күнүгэр диэри салҕанар. Кыттааччыларга барыларыгар сертификат туттарылыаҕа. Кыайыылаахтары сыаналаах бириистэр күүтэллэр.

Кыттааччылар толору ааттарын ыйын туран, күрэх хештегтэрин туруоралларын умнуо суохтаахтар.

Сонуннар

Ордук ааҕаллар

Биир хоһоон дьылҕата
Дьон | 24.09.2022 | 10:00
Биир хоһоон дьылҕата
Түөрт талаан сүдү кыайыыта
Санкция, бизнес уонна барыс
Сонуннар | 24.09.2022 | 14:00
Санкция, бизнес уонна барыс
Ханнык баҕарар кризис, санкция дьоҕус бизнескэ охсууну оҥороллор уонна... саҥа кыахтары арыйаллар. Билиҥҥи кэмҥэ бизнес ханнык салаата ордук барыстааҕый? Чуолаан Саха сиригэр? Ол туһунан аан дойду ырыынагын көрөн-истэн баран, саҥа саҕалааччыларга туһалаах буоллун диэн сырдатабыт.
Октябрьскай уокурукка саҥа тиэргэн территорияларын арыйдылар
Сонуннар | 28.09.2022 | 14:00
Октябрьскай уокурукка саҥа тиэргэн территорияларын арыйдылар
Саха сирин Судаарыстыбаннаһын күнүгэр өрөспүүбүлүкэ киин куоратын Каландаришвили уул., 1 уонна Ленин проспега, 46 аадырыстарга спортивнай балаһааккалаах саҥа тиэргэн территорияларын арыйдылар диэн иһитиннэрдэ Олохтоох дьаһалта пресс-сулууспата.
Дьокуускайга аҕалар бастакы слеттара ыытылынна
Сонуннар | 27.09.2022 | 16:00
Дьокуускайга аҕалар бастакы слеттара ыытылынна
Балаҕан ыйын 24 күнүгэр «Yрдэл» пааркаҕа «Ответственный отец – основа крепкой семьи» диэн Дьокуускай куорат аҕаларын бастакы слеттара ыытылынна. Бу туһунан Олохтоох дьаһалта Уопсастыбаннай сибээстэргэ уонна ыччат бэлиитикэтигэр управлениета иһитиннэрдэ.