10.06.2021 | 15:11

«Туймаада ыһыаҕа - 2021» култуурунай бырагыраамата онлайн көрүҥүнэн ыытыллыаҕа

«Туймаада ыһыаҕа - 2021» култуурунай бырагыраамата онлайн көрүҥүнэн ыытыллыаҕа
Ааптар: Киин Куорат

Дьокуускай куорат суһал штаба бэс ыйын 7 күнүгэр биллэрбитинэн, Роспотребнадзор ирдэбилинэн «Туймаада ыһыаҕа - 2021» национальнай бырааһынньыкпыт дистанционнай көрүҥүнэн ыытыллар буолбута. Онон сибээстээн, куорат култуураҕа уонна духуобунай сайдыыга управлениета араас жанрынан уонна хайысханан бырааһынньыктааҕы тэрээһини бэлэмниир: фольклорнай уонна айар күрэхтэр, этническэй уонна эстраднай кэнсиэртэр, маастар-кылаастар, виртуальнай быыстапкалар.


«Тэрээһиннэргэ куорат олохтоохторун көхтөөх кыттыылара өй-санаа уонна духуобунай өттүттэн барыбытын түмүөҕэ, норуоппут күүстээх санаалаах биир сомоҕо буоларын чаҕылхай холобура буолуоҕа. Тапталлаах бырааһынньыкпытын бэлиэтиир үөрүүбүтүн туох да саппаҕырдыбат», - диэн этиллэр Дьокуускай куорат Култуураҕа уонна духуобунай сайдыыга управлениетын иһитиннэриитигэр. 
2021 сыл бэс ыйын 21-27 күннэригэр ыһыах үөрүүлээх тэрээһиннэрин социальнай ситимнэргэ, интэриниэт сайтарыгар, «Саха» НКИХ ханаалыгар көрөбүт. Урукку сылларга курдук, ыһыах ыһар Үс Хатыҥ ытык  сирбит уонна ат сүүрдэр ипподром харабылланыаҕа. 


Ыһыахтыыр сири харабыллааһын 2014 сылтан саҕаламмыта. Быйыл куорат дьаһалтата бэс ыйыттан алтынньы ыйга диэри сэбилэниилээх харабыллааһыҥҥа муниципальнай бүддьүөттэн 1965120 солкуобай сууманы көрбүтэ. Тустаах тэрилтэни талар сыаллаах «Култуураҕа уонна уус-уран үөрэхтээһиҥҥэ агентство» МБТ (дириэктэр Индира Ли) бэс ыйын 15 күнүгэр аукцион ыытыаҕа. 
«Ыһыахтыыр сири киэргэтэр декоративнай-прикладной айымньы эбийиэктэрин харыстыыр сыаллаах харабыл өҥөтүн наймылаһабыт. "Үс Хатыҥҥа" норуот маастардарын оҥоһуктара уус-ураннар, сыаналаахтар, хатыламматтар», - диир Индира Ли.

Сонуннар

Ордук ааҕаллар

Валентина Колодезникова-Айыына:  Киһи баҕарыах эрэ тустаах
Дьон | 04.08.2022 | 10:00
Валентина Колодезникова-Айыына: Киһи баҕарыах эрэ тустаах
Бүгүҥҥү нүөмэрбитигэр мас ууһа Валентина Колодезникова--Айыынаны кытта кэпсэтэбит. Валентина-Айыына уустар түөлбэлээн үөскээбит Баайаҕа нэһилиэгиттэн төрүттээх. Тутуу биригээдэтин салайааччыта. Дьоҕурун сөпкө туһаммыт уонна киэҥ эйгэҕэ таһаарбыт уус.
Үөрүүлээх түгэни - дьоһун көстүүлээх
Сонуннар | 05.08.2022 | 10:51
Үөрүүлээх түгэни - дьоһун көстүүлээх
Үөрэх дьыла чугаһаабытынан, бэйэбит үөрүүбүтүн үллэстэргэ сананныбыт. Ол курдук, быйыл Кэбээйи улууһун Мукучу нэһилиэгэр улахан оскуола дьиэтэ тутуллубута 90 сылын кэлэктиип туох эрэ ураты көстүүлээх көрсүөхтээх диэн быһаарыы ылынан, саҥа сахалыы истииллээх таҥас сакаастаан тиктэрбиппит. 
Минньигэстик аһааҥ
Тускар туһан | 05.08.2022 | 10:00
Минньигэстик аһааҥ
Сибиэһэй оҕуруот аһа дэлэгэй эрдэҕинэ, боростуой, минньигэс уонна битэмииннээх салааттарда астанан хаалыаҕыҥ.
Бэлисипиэт спордун күнэ тэриллиэҕэ
Куорат олоҕо | 05.08.2022 | 16:00
Бэлисипиэт спордун күнэ тэриллиэҕэ
Дьокуускайга бэлисипиэт спордун тарҕатааччылар түмсүүлэрэ таһаарыылаахтык үлэлээн эрэр. Аҕыйах хонуктааҕыта кинилэр куорат баһылыга Евгений Григорьевы кытта куоракка Бэлисипиэт спордун күнүн ыытарга сүбэлэстилэр.